Advertisement

சிறுநீரக கற்கள் உருவாவதை தடுப்பது எப்படி ?

இன்று பல்வேறு நோய்கள் பாதிப்பை ஏற்படுத்தினாலும், சிறுநீரக கற்கள் ஏற்படுத்தும் பாதிப்பு, அதனால் ஏற்படும் வலி என்பது, யாராலும் தாங்க முடியாத ஒன்றாக உள்ளது. முறையாக தண்ணீர் குடித்தால், சிறுநீரக கற்கள் ஏற்படுவதை தவிர்க்கலாம் என்கிறார், சிறுநீரகவியல் நிபுணர் டாக்டர் தினகர் பாபு.

சிறுநீரக கற்கள் என்றால் என்ன?

சிறுநீரகக்கல் என்பது, சிறிய படிகங்களை கொண்ட ஒரு திடப்பொருள் ஆகும். சிறுநீரகத்திலோ அல்லது சிறுநீரகக்குழாயிலோ ஒரே நேரத்தில் ஒன்று அல்லது அதற்கு மேற்பட்ட கற்கள் இருக்கும்.சிறுநீரக கற்கள் எதனால் ஏற்படுகிறது?நீராகாரங்கள் குறைவாக எடுத்துக் கொள்வது, அசைவ உணவுகளை அதிகமாக உட்கொள்வது, காளான், காலிபிளவர், முட்டைக்கோஸ், தக்காளி, கீரை வகைகளை அதிகமாக உட்கொள்வதால், சிறுநீரக கற்கள் ஏற்படுகின்றன.

யாருக்கு இதன் பாதிப்பு அதிகமாக ஏற்படுகிறது?

மக்கள் தொகையில், 15 - 20 சதவீதம் பேர் சிறுநீரகக் கல் நோயால் பாதிக்கப்படுகின்றனர். இரண்டு அல்லது மூன்று மடங்கு அதிகமாக ஆண்களுக்கு ஏற்படும். சாதாரணமாக, 20 முதல் 30 வயதுடையவர்களுக்கு ஏற்படும். திரும்பத் திரும்ப ஏற்படும் தன்மையுடையது.

சிறுநீரக கற்கள் ஏற்பட்டதற்கான அறிகுறிகள் என்ன?

பின்பக்க விலாவில் வலி அல்லது முதுகுவலி, ஒரு பக்கம் அல்லது இரண்டு பக்கத்திலும் அதிகரிக்கும் வலி, குமட்டல், வாந்தி, அடிக்கடி சிறுநீர் கழித்தல், சிறுநீர் அளவு அதிகரித்தல், சிறுநீரில் ரத்தம் காணப்படுதல், அடிவயிற்றில் வலி, வலியோடு சிறுநீர் கழித்தல், இரவு நேரத்தில் அதிகளவு சிறுநீர் கழித்தல், சிறுநீரின் நிறம் இயற்கைக்கு மாறாக காணப்படுதல் ஆகியவை அறிகுறிகள்.

சிறுநீரக கற்கள் ஏற்படுவதை எப்படி தடுப்பது?

சிறுநீரக கற்கள் இருப்பதற்கான சாத்தியங்கள் இருப்பின், அதிக அளவு தண்ணீர் உட்கொள்ளுதல் அவசியம். பொதுவாக ஒரு நாளைக்கு, 6 முதல் 8 டம்ளர் தண்ணீர் குடிக்க வேண்டும். சிறுநீரக கற்களின் தன்மையை பொருத்து, மருத்துவரின் ஆலோசனையின்படி, மருந்தோ அல்லது பிற முறைகளையோ கையாண்டு, கற்கள் திரும்பத் திரும்ப ஏற்படுவதை தடுக்கலாம்.

இதற்கு என்ன சிகிச்சைகள் உள்ளன?

அண்மைக் காலமாக சிறுநீரகச் சிகிச்சையில், துளை வழி கல் உடைத்தல் சிகிச்சை, முக்கியமாக கையாளப்படுகிறது. சிறுநீர்ப் பாதையில் அடைப்பு இல்லாவிட்டால், கல் நொறுக்கி சாதனங்கள் மூலம் அதிர்வலைகளை ஒருமுனைப்படுத்தி உட்செலுத்துவதன் மூலம், சிறுநீரகங்களுக்கோ, திசுக்களுக்கோ, வேறு எந்த உறுப்புகளுக்குமோ, பாதிப்பற்ற முறையில் கற்களை மட்டும் அதிர்வலைகள் (லேசர்) தாக்கி பொடியாக்கி விடும். பொடித்துகள்கள் சிறுநீரில் கரைந்து வெளியேறி விடும்.

Download for free from the Store »

Advertisement
 

வாசகர் கருத்து (5)

  • Ramesh R - Abu Dhabi,ஐக்கிய அரபு நாடுகள்

    தண்ணீர் குடித்தல் தவிர வேறு எந்த வழி முறையும் காணவில்லை இந்த கட்டுரையில்

  • V Gopalan - Bangalore ,இந்தியா

    It would have been useful, had the contact address or at least the contact number of Dr Dinakar Babu. How to contact him, is it possible to provide the contact number by Dinamalar over e mail.

  • senthil vs - memphis,யூ.எஸ்.ஏ

    My friend is siddha doctor he gives medicine to cure without any surgery , it is intake in butter milk if need pls reach out him at 93448 48094

  • Ashanmugam - kuppamma,இந்தியா

    சிம்பிள் வழி முறை மூலம் சிறுநீரக கற்கள் உருவாகாமல் தடுக்கலாம். ஒருநாளைக்கு 5 லிட்டர் தண்ணீர் குடித்தாலே போதும், எந்த திட உணவையும் கரைத்து, சிறுநீரக கற்கள் வராமல் தடுக்கலாம். மேலும் நவீனகால உணவு வகைகளை உண்ணும்போது அளவுக்கு அதிகமாக தண்ணீர் குடிக்க வேண்டும் இல்லாவிடில் செரிமானம் ஆகாமல் சிறுநீர் கற்களாகமாறி சிறுநீரக பையில் அடங்கிவிடும்.

  • Believe in one and only God - chennai,இந்தியா

    விட்டமின் D குறைபாடு இருப்பவர்களுக்கு சிறுநீரக கற்கள் உருவாக அதிக வாய்ப்பு உள்ளதாக வெளிநாட்டு டாக்டர்ஸ் சொல்லுகிறார்கள். வைட்டமின் D தான், கால்சியத்தை உடலின் எலும்பு பாகங்களுக்கு எடுத்து செல்லும். வைட்டமின் D குறைவாக இருந்தால், கால்சியம் சிறுநீரக கற்களாக மாறுகிறது.

கருத்தைப் பதிவு செய்ய

Advertisement