Advertisement

குழந்தைகள் பொய் சொல்லாமல் தடுக்க...

* குழந்தையிடம், நீங்கள் உண்மையே பேச வேண்டும். அதன் முன்னிலையில், யாரிடமும் பொய் சொல்லாதீர்.
* 'வேண்டாத விருந்தாளிகள் யாராவது, 'அப்பா இருக்காரா...'ன்னு கேட்கும்போது, இல்லைன்னு சொல்லு...' என்று, உங்கள் குழந்தையை விட்டு சொல்லக் கூடாது
* உங்கள் குழந்தையை, கடுமையான தண்டனைக்கு உள்ளாக்காதீர். அந்த பயமே, பொய் சொல்ல துாண்டும்
* குழந்தையின் கற்பனை சக்தியை வளர்ப்பது நல்லது தான். அதிலேயே அதிக கவனம் செலுத்தி, உண்மைக்கும், கற்பனைக்கும் வேறுபாடு தெரியாமல் செய்து விடாதீர்
* 'இதைச் செய்யாதே, அதை தொடாதே...' என்று, பல கட்டுப்பாடுகளை சுமத்தாதீர். அதிக தடைகள் ஏற்பட்டால், அவற்றை கடைப்பிடிப்பதில் சிரமம் ஏற்பட்டு, பொய் சொல்ல நேரிடலாம்
* பொய் சொல்வதால் ஏற்படும் தீமை பற்றி மிகைப்படுத்தி, குழந்தைக்கு உபதேசம் செய்யாதீர். சிறிய தவறு நேரிட்டால், என்ன கெடுதல் வந்து விடுமோ என்று பயந்து, பலவகையான மனக் குழப்பங்களுக்கு ஆளாக நேரிடும். மாறாக, உண்மையாக இருப்பதால் ஏற்படும் நன்மை பற்றி, எடுத்துக் கூறுங்கள்
* உண்மை பேசும்போது, உற்சாகமூட்டுங்கள். தவறு செய்த பின், உண்மையை உங்களிடம் ஒளிக்காமல் சொல்லும்போது, செய்த தவறுக்காக கடிந்து கொள்ளாதீர். உண்மை சொன்னதற்காக பாராட்டி, பிறகு, 'இனி இப்படி செய்யாதே...' என்ற வார்த்தையே, அதை திருத்த போதுமானது.
- பொ.பாலாஜி கணேஷ்

Download for free from the Store »

Advertisement
 

வாசகர் கருத்து (1)

  • pattikkaattaan - Muscat,ஓமன்

    மிகச்சிறிய வயதில் உண்மை பேசியதற்காக தண்டிக்கப்பட்டது இன்னும் வடுவாக மனதில் உள்ளது.. ஒருநாள் எங்கள் வீட்டிலிருந்த இரவில் பயன்படுத்தும் ஹெட்லைட் என்ற பாட்டரி விளக்கின் ஒயர் அறுந்து கிடந்தது .. அதை நாந்தான் அறுத்திருப்பேன் என்று என் அம்மா என்னை அடித்து கேட்டார்.. நான் இல்லை என்று சொல்ல, என் அம்மா மேலும் அடிக்க, எவ்வளவு அடித்தாலும் நான் இல்லை என்றே சொன்னேன்.. ஏனென்றால் நான் அதை செய்யவில்லை.. கோபத்தில் என் தாய் "நீ இப்படி கேட்டால் சொல்லமாட்டாய்.. இரு " என்று கூறி அடுப்பில் இருந்து நெருப்பை எடுத்துவந்து, என் வாயில் சூடு வைத்தால்தான் ஆகும் என்று, அதற்கான செயலில் இறங்கிவிட்டார்.. தீ சூட்டிற்கு பயந்து "ஆமாம்" என்று பொய் சொல்லிவிட்டேன் .. வெற்றிபெற்ற பெருமிதம் என் தாய்க்கு .. பொய் சொல்லிவிட்டேனே என்ற வேதனை எனக்கு .. "வாய்மை எனப்படுவது யாதெனின் யாதொன்றும் தீமை இலாத சொலல் " என்பது இதுதானோ ..

கருத்தைப் பதிவு செய்ய

Advertisement