Advertisement

கொரியாவில் தமிழ்மொழி!

''தமிழகத்துக்கும் ஒருங்கிணைந்த கொரியா வுக்கும் நெருங்கிய தொடர்பு உள்ளது" என்கிறார் தென்கொரியாவைச் சேர்ந்த வேதியியல் பேராசிரியரான சுரேஷ்குமார் மந்திரியப்பன். கோவையைப் பூர்வீகமாகக் கொண்ட சுரேஷ்குமார், கொரியாவில் ஏழு ஆண்டுகளாகப் பணியாற்றி வருகிறார். கொரிய மக்களின் பண்பாடு குறித்து ஆய்வு செய்பவர், தமிழகத்துக்கும், கொரியாவுக்கும் கலாசார ஒற்றுமை உள்ளது என தெரிவிக்கிறார். பண்டைய தமிழ்ப் பெண்கள் ஆடிப்பெருக்கு, முக்கிய விழாக்களின்போது ஊஞ்சலாடுவார்கள். ஊஞ்சல் பற்றிய பாடல்கள் சங்க இலக்கியத்தில் நிறைய உள்ளன. அதேபோல் கொரிய பெண்களும் 'தானோ' என்ற விழாவின்போது, ஊஞ்சலாடி மகிழ்கிறார்கள். ஊஞ்சல் ஆடுவது அங்கு முக்கியச் சடங்கு. தை நீராடுதல், தமிழரின் பண்பாடு. கொரியாவின் நீராட்டு விழாவில், வசம்பை ஷாம்பு போல் தலையில் தேய்த்துக் குளிக்கிறார்கள்.ஐந்து அல்லது ஏழு கற்களைக் கொண்டு பெண்கள் விளையாடும் விளையாட்டு தமிழகத்தில் பிரபலம். உள்ளங்கை மேலுள்ள கல்லை தூக்கிப் போட்டு, தரையில் உள்ள கற்களை அள்ளி எடுத்து மேலிருந்து விழும் கல்லையும் பிடிக்க வேண்டும். இதே விளையாட்டை கொரிய ஆரம்பப் பள்ளி மாணவிகள், பிளாஸ்டிக் கற்களுடன் விளையாடுகிறார்கள். கொரியாவில் கும்மியாட்டம் உண்டு; தமிழகத்தைப் போலவே கதையைப் பாடல் வடிவில் சொல்கிறார்கள். கலாசார வகையில் மட்டுமல்ல, மொழியியல் ரீதியாகவும் ஒற்றுமைகள் உள்ளன. தமிழில் அப்பா என்பதை, கொரியாவில் பேச்சு வழக்கில் அப்பா என்றே குறிப்பிடுகிறார்கள். எழுத்தில் அப்போஜி. பேச்சு வழக்கிலுள்ள 'அம்மா'வை எழுத்தில் ஒம்மோனி என்கிறார்கள். கிண் அப்போஜி - பெரியப்பா, ஜாகுன் அப்போ - சித்தப்பா, ஒண்ணி - பெண்ணின் அக்கா - (அண்ணி உறவுக்கு நிகர்)கொரியர்கள் அரிசி உணவை முதன்மை உணவாக உண்கிறார்கள். பனியில் காய்கறிகள் விளையாது என்பதால், அது விளையும் காலத்தில் ஊறுகாய்களாக்கி வைத்துக் கொள்கிறார்கள். தொல்லியல், வரலாறு, மொழியியல் அடிப்படையில் ஆழமான ஆய்வுகள் மேற்கொண்டால், கொரியாவுக்கும் தமிழகத்துக்குமான மேலும் பல தரவுகள் நமக்குக் கிடைக்கும்'' என்கிறார் சுரேஷ்குமார் மந்திரியப்பன்.

Download for free from the Store »

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement