மத்திய பட்ஜெட் 2023 - 24 எது கூடுது?... எது குறையுது?

சிகரெட்களுக்கு கூடுதல் வரி விதிக்கப்பட்டு, இதன் மீதான வரி 16% வரை உயர்த்தப்படுகிறது. இதனால் சிகரெட் உள்ளிட்ட புகையிலைப் பொருட்களுக்கான விலை உயர்வுக்கு வாய்ப்பு உள்ளது.

தங்கம், வெள்ளி, வைரம், பித்தளை ஆகியவற்றுக்கான இறக்குமதி வரி அதிகரிக்கப்படும். ரப்பர், ஆடைகளுக்கான இறக்குமதி வரி அதிகரிக்கப்படுவதால், இந்த பொருட்களின் விலை உயரும் என எதிர்ப்பார்க்கப்படுகிறது.

ஆன்லைன் வங்கி பரிவர்த்தனை அளவு ரூ.4.5 லட்சத்தில் இருந்து ரூ.9 லட்சமாக உயர்த்தப்பட்டுள்ளது. சமையலறை மின்சார சிம்னிக்கான இறக்குமதி வரி உயர்வு என அறிவிக்கப்பட்டுள்ளது.

கேமரா லென்ஸ், தொலைக்காட்சி பாகங்களுக்கான இறக்குமதி வரி குறைக்கப்படும். செல்போன் தயாரிப்பை ஊக்குவிக்க அதன் உதிரிபாகங்களுக்கான இறக்குமதி வரி குறைக்கப்படுகிறது.

சைக்கிள், பொம்மைகள் உள்ளிட்ட பொருட்களுக்கு சலுகைகள் அளிக்கப்பட்டுள்ளது. இதனால் குழந்தைகளின் விளையாட்டு பொருட்களான பொம்மைகள் மற்றும் சைக்கிள் விலை குறைப்பிற்கு வழி வகுக்கும்.