வாழைப்பழ தோலை இப்படியெல்லாம் கூட பயன்படுத்தலாம்..!

வாழைப்பழ தோலை சிறு துண்டுகளாக நறுக்கி அதனை மண்ணுக்குள் போடுவதால், தாவரங்களுக்கு நல்ல இயற்கையான ஊட்டச்சத்து கிடைக்கும்.

வாழைப்பழ தோலில் உட்பகுதியை பற்களில் வைத்து சில நிமிடங்கள் தேய்க்கலாம். தோலில் உள்ள கனிமங்கள், பற்களை வெண்மை நிறமாக மாறும்.

வாழைப்பழ தோலை நன்கு மிக்ஸியில் போட்டு பேஸ்ட் போன்று அரைத்து அதனை வெள்ளி பொருட்கள் மீது தடவி, சில நிமிடங்கள் கழித்து, கழுவினால் வெள்ளி பொருட்கள் பளபளக்கும்.

வாழைப்பழ தோலை நன்கு ஷூவின் மேல்பகுதியில் தேய்த்து, பின்னர் துணியை வைத்து துடைத்தால் பிரகாசிக்கும்.

வறண்ட சருமத்தில் வாழைப்பழ தோலில் உட்பகுதியை தேய்த்து வரலாம். இது சருமத்தை மிருதுவாக்குவதுடன், ஈரப்பதத்துடன் இருக்க உதவும்.

வாழைப்பழ தோல் அஸ்வினி பூச்சி வளர்ச்சியை தடுக்கவும், பொதுவான பூச்சி விரட்டியாக செயல்படும் ஆற்றல் கொண்டது. இயற்கையான பூச்சி விரட்டியாக வாழைப்பழ தோல் செயல்படுகிறது.

வாழைப்பழ தோலில் உள்ள நோயெதிர்ப்பு ஆற்றல், அழற்சி எதிர்ப்பு தன்மை, முகப்பருவால் சிவப்பு போவதையும், அழற்சியையும் குறைக்க உதவுகிறது.

இரவு உறங்க செல்லும் முன் சிறிதளவு வாழைப்பழ தோலை மரு பகுதியில் தேய்க்கவும். இரவு முழுவதும் அப்படியே விட்டுவிடுங்கள். வாழைப்பழ தோலில் உள்ள என்சைம்கள் மருவை நீக்க உதவும்.