24 பெருமாள் கருட சேவை தஞ்சையில் கோலாகலம்

தஞ்சாவூரில் 24 பெருமாள் கருடசேவை இன்று நடைபெற்றது. திவ்யதேச பெருமாள்களுடன், நீலமேகப்பெருமாள், நரசிம்ம பெருமாள், மணிகுன்னப் பெருமாள், கல்யாண வெங்கடேச பெருமாள், யாதவ கண்ணன், வரதராஜ பெருமாள், பிரசன்ன வெங்கடேச பெருமாள் உள்ளிட்ட 24 கோயில் பெருமாள்கள் தஞ்சாவூர் வெண்ணாற்றங்கரையில் இருந்து கருட வாகனத்தில் புறப்பட்டனர். கீழவீதி, தெற்குவீதி, மேலவீதி, வடக்குவீதி ஆகிய தேரோடும் வீதிகளில் சுவாமிகள் வலம் வந்து அருள்பாலித்தனர். ஏராளமான பக்தர்கள் பஜனை பாடல்களை பாடியபடி கருட சேவையில் பங்கேற்றனர்.