ஹாஸ்பிடலை மூடிடலாமா அமைச்சர் டென்ஷன்

கடலூர் மாவட்டம், திட்டக்குடி அரசு தலைமை மருத்துவமனையை தொகுதி எம்.எல்.ஏ.,வான அமைச்சர் கணேசன், திடீர் ஆய்வு மேற்கொண்டார். நோயாளிகள் வரிசையில் நிற்க, பணியில் ஒரு டாக்டர் மட்டுமே இருந்தார். வருகைப்பதிவேட்டை ஆய்வு செய்த அமைச்சர் , 9 டாக்டர்கள் உள்ளதாக இருக்கும் போது மீதி 8 பேர் எங்கே என கேள்வி எழுப்பி சுகாதார இணைஇயக்குனரிடம் புகார் தெரிவித்தார். தாமதமாக வந்த தலைமை மருத்துவ அலுவலர் சேபானந்தத்திடம் டாக்டர்கள் முறையாக வராதது குறித்து கேட்டார். 2 பேர் விடுப்பில் இருப்பதாகவும், 2 பேர் அயல்பணியில் இருப்பதாகவும் தெரிவித்ததால் அதிருப்தியடைந்த அமைச்சர், அப்போ.. ஹாஸ்பிடலை இழுத்து மூடிடலாமா என கேள்வி எழுப்பிடென்ஷன் ஆனார்.