2 கிமீ தண்டவாளம் திருட்டு ஆர்பிஎப் வீரர்கள் உடந்தை... பீகாரில் வினோத சம்பவம்

பீகாரின் சமஸ்திபூர் மாவட்டம் பந்தவுல் Pandaul ரயில் நிலையத்தில் இருந்து லோஹத் Lohat சர்க்கரை ஆலை வரை சரக்கு ரயில் போக்குவரத்துக்காக 2 கி.மீ.தூரத்துக்கு தண்டவாளம் இருந்தது. சில ஆண்டுகளுக்கு முன் ஆலை மூடப்பட்டதால் அந்த தண்டவாளத்தில் ரயில்கள் இயக்கப்படவில்லை. இந்த தண்டவாளத்தை சிறிது சிறிதாக பெயர்த்து எடுத்து மர்ம ஆசாமிகள் திருடிச் சென்றனர். இதுதொடர்பாக, ரயில்வே பாதுகாப்பு படையை சேர்ந்த 2 ஊழியர்கள் சஸ்பெண்ட் செய்யப்பட்டுள்ளனர். தண்டவாள திருட்டுக்கு ரயில்வே பாதுகாப்புப்படை வீரர்களும் உடந்தையாக இருந்ததாக கூறப்படுகிறது. அதுபற்றி விசாரிக்க குழு அமைத்து ரயில்வே உத்தரவிட்டுள்ளது.