மல்லீஸ்வரர் கோயிலில் நவ நடராஜர் சந்திப்பு

சென்னை மண்ணடி மல்லீஸ்வரர் கோயிலில் திருவாதிரை நவ நடராஜர் சந்திப்பு நிகழ்ச்சி நடந்தது. 9 கோயில்களில் இருந்து வந்த நடராஜர் ஒரே இடத்தில் சந்தித்தனர். காளிகாம்பாள் கோயில், கச்சாலீஸ்வரர் கோயில், மூக்கர் செல்லமுத்து பிரசன்ன விநாயகர் கோயில், செங்கழுநீர் பிள்ளையார் கோயில், மண்ணடி செல்வ விநாயகர் கோயில், முத்துகுமாரசாமி கோயில், சிதம்பரேஸ்வரர் கோயில், சண்முக செல்வ விநாயகர் கோயில் ஆகிய 8 கோயில்களில் இருந்து நடராஜர்கள் மல்லீஸ்வரர் கோயிலுக்கு வந்தனர். மல்லீஸ்வரர் கோயில் நடராஜரையும் சேர்த்து மொத்தம் 9 நடராஜர்களுக்கும் ஒரே நேரத்தில் தீபாராதனை காட்டப்பட்டது. ஆண்டுக்கு ஒருமுறை நடக்கும் இந்த நிகழ்வை திரளான மக்கள் கண்டு தரிசித்தனர்.