கையில் வேப்பிலை தலையில் குடம் கோயில் விழாவில் எம்எல்ஏ நடனம்

திருப்பூர், அங்கேரிபாளையத்தில் 100 ஆண்டுகள் பழமையான மாகாளியம்மன் கோயில் உள்ளது. இங்கு, மார்கழி மாதம் பொங்கல் திருவிழா நடப்பது வழக்கம். நேற்று நடந்த திருவிழாவில் பக்தர்கள் தீர்த்த குடம் எடுத்து ஊர்வலமாக வந்தனர். திருப்பூர் வடக்கு அதிமுக எம்எல்ஏ விஜயகுமாரும் தீர்த்த குடம் எடுத்து கையில் வேப்பிலையுடன், உற்சாகமாக பக்தர்களோடு நடனமாடினார். விழாவையொட்டி, அம்மனுக்கு சிறப்பு அபிஷேகம் ஆராதனை நடந்தது. திரளான பக்தர்கள் சாமி தரிசனம் செய்தனர்.