சூட்டிங்கில் கிரேன் அறுந்து ஸ்டன்ட் மாஸ்டர் பலி

வெற்றிமாறன் இயக்கத்தில், சூரி நடிக்கும் 'விடுதலை' சினிமா ஷூட்டிங் நடைபெற்று வருகிறது. சென்னை ஓட்டேரி அருகே ஊனமாஞ்சேரியில் சண்டை காட்சி படமாக்கப்பட்டது. ரயில் விபத்து நடந்தது போல் செட் அமைக்கப்பட்டு, சண்டை காட்சி சூட்டிங் நடந்தது. 15 அடி உயரத்தில் தொங்கி கொண்டிருந்த ஸ்டன்ட் மாஸ்டர் சுரேஷ், கிரேன் அறுந்ததில் கீழே விழுந்தார். தலை, கை, கால்களில் காயமடைந்து இறந்தார். அவருக்கு வயது 50. சம்பவம் பற்றி ஓட்டேரி போலீசார் விசாரிக்கின்றனர்.