எம்எல்ஏ உதவியாளருக்கு குத்துவிட்ட அமைச்சர் நாசர்

திருவள்ளூர் மாவட்டம் திருத்தணியில் திமுக நிர்வாகிகள் ஆலோசனை கூட்டம் நடந்தது. அந்த தொகுதி எம்எல்ஏ சந்திரன் தலைமை வகித்தார். பால்வளத்துறை அமைச்சர் பேசிக்கொண்டு இருந்தார். மேடையில் அவருக்கு பின்னால் நின்று இருந்த நிர்வாகிகள் அங்கும் இங்கும் நடமாடினர். ஒருவர் அமைச்சர் மீது மோதியதால் மைக் கீழே விழுந்தது. அமைச்சருக்கு கோபம் வந்தது. மைக்கை சரி செய்த அவர், பின்னால் நின்று இருந்த எம்எல்ஏ உதவியாளர் சதீஷுக்கு, முழங்கையால் ஓங்கி ஒரு குத்து விட்டார். அவமானம் தாங்க முடியாமல் சதீஷ் கூட்டத்தை விட்டு வெளியேறினார். எதுவும் நடக்காதது போல் பேச்சை தொடர்ந்தார் அமைச்சர்.