மக்கள் நலன் முக்கியம் பிரதமர் மோடி கருத்து

பெட்ரோல், டீசல் விலை குறைப்பு குறித்து பிரதமர் மோடி கூறியதாவது: எங்களை பொறுத்தவரையில் மக்கள் நலனுக்குத்தான் எப்போதும் முன்னுரிமை கொடுப்போம். பெட்ரோல், டீசல் விலையை கணிசமாக குறைத்திருப்பது பல துறைகளில் நல்லதொரு தாக்கத்தை ஏற்படுத்தும்; நாட்டு மக்களுக்கு நிவாரணத்தை அளிக்கும். கஷ்டத்தை குறைக்கும் என மோடி தெரிவித்தார். உஜ்வலா திட்டம் கோடிக்கணக்கான இந்தியர்களுக்கு குறிப்பாக பெண்களுக்கு பேருதவி செய்யக்கூடிய திட்டம். சிலிண்டருக்கு 200 ரூபாய் மானியம் அறிவிக்கப்பட்டிருப்பது கோடிக்கணக்கான குடும்பங்களின் பட்ஜெட்டுக்கு மிகப்பெரிய நிவாரணமாக இருக்கும் எனவும் மோடி கூறினார்.