dinamalar telegram
Advertisement

60 ஆண்டுகள் கழித்து வைரலாகும் கருணாநிதியின் கடிதம்

கரூர் மாவட்டம் வேங்காபட்டி கிராமத்தில் உள்ள தொடக்கப்பள்ளியில் கலகெ்டர் பிரபு சங்கர் டி குணாளன் ஆய்வு செய்தார். பின்னர் அவர் ஆய்வு குறிப்பு எழுதினார். அப்போது அவர் கண்ணில்பட்ட ஒரு ஆய்வு குறிப்பு கலெக்டரை நெகிழ்ச்சியில் ஆழ்த்தியது. 1959 ஆம் ஆண்டு குளித்தலை எம்எல்ஏவாக இருந்த கருணாநிதி, வேங்காபட்டி பள்ளியில் ஆய்வு மேற்கொண்டபோது அவர் எழுதிய ஆய்வு குறிப்புதான் கலெக்டர் பிரபு சங்கர் நெகிழ்ச்சிடைய காரணம். கருணாநிதி ஆய்வு குறிப்பில் “இன்று வேங்காப்பட்டி பள்ளியை பார்வையிட்டேன். இரண்டு ஆசிரியர்களும் இருந்தார்கள். மொத்த மாணவர்கள் 108-ல் இன்று பள்ளிக்கு வருகை தந்திருந்தவர்கள் 31 பேர். இந்தப் பள்ளியில் கட்டப்பட்டிருக்கும் கட்டிடத்தின் மேல் மரங்கள் விழுந்திருக்கின்றன. அவை உடனடியாக கவனிக்கப்பட்டால் நலம். ஆசிரியர்கள் நன்கு பணியாற்றுவதாக பொதுமக்கள் பாராட்டினார்கள். மாணவர்களின் சுகாதாரம் நன்கு கவனிக்கப்படுதல் நன்று” என கூறியிருந்தார். இந்த குறிப்பை போட்டோ எடுத்த பிரபு சங்கர் தனது டுவிட்டர் பக்கத்தில் பதிவிட்டதோடு, கருணாநிதியின் ஆய்வு குறிப்பு ஒரு புதையல் என குறிப்பிட்டுள்ளார்.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Comments Comments


Avatar
உங்கள் கருத்தைப் பதிவு செய்ய

வாசகர் கருத்து

முதல் நபராக கருத்து தெரிவியுங்கள்!

தொடர்புடையவை

Autoplay


வீடியோ பில்டர்

kids contest
Advertisement