Load Image
Advertisement

புதிதாக உருவாகும் கோளில் தண்ணீர்!

பூமியில் தண்ணீர் எப்படி வந்தது என்ற கேள்விக்கு, இதுவரை முடிவான பதில் எட்டப்படவில்லை. அதுபோல் பூமிக்கு வெளியே எங்கெங்கெல்லாம் தண்ணீர் உள்ளது என்ற தேடலும் நிறைவடையவில்லை.

ஆனால், இந்த இரண்டு விஷயங்களுக்கும் பயனுள்ள வகையில், ஒரு கண்டுபிடிப்பு நிகழ்ந்துள்ளது.

ஜேம்ஸ் வெப் தொலைநோக்கி, பூமியிலிருந்து 370 ஒளியாண்டுகள் தொலைவில் உள்ள பி.டி.எஸ்., 70 என்ற நட்சத்திரத்தையும், அதைச் சுற்றி வரும் இரு கோள்களையும் சமீபத்தில் கண்டுபிடித்தது.

நட்சத்திரத்தில் இருந்து 16 கோடி கி.மீ., தூரத்தில் சுற்றி வரும் இவ்விரு கோள்களும், ஒரே வட்டப்பாதையில் சுற்றுவதாக கணிக்கப்பட்டிருந்தது.

இந்த ஆச்சரியமே இன்னும் குறையாத நிலையில், இக்கோள்களுக்கு அருகே மூன்றாவதாக பூமியைப் போன்ற பாறைக் கோள் ஒன்று உருவாகிக் கொண்டு இருப்பதும், இதில் தண்ணீர் உள்ளதும் கண்டு பிடிக்கப்பட்டுள்ளது.

இங்குள்ள தண்ணீர், பனிக்கட்டிகளின் வடிவிலோ, ஹைட்ரஜன், ஆக்சிஜன் இணைந்து உருவாகிக் கொண்டிருக்கும் மூலக்கூறு வடிவிலோ இருக்க வேண்டும் என்று கணிக்கப்பட்டுள்ளது.

இந்தத் தண்ணீர் நட்சத்திரத்தில் இருந்து வெளிப்படும் புற ஊதாக்கதிர்களால் ஆவியாகி விடாமல் இருப்பதும் ஆச்சரியத்தை ஏற்படுத்திஉள்ளது.

இதற்குத் தண்ணீர் அமைந்துள்ள பகுதி, தூசுகளால் அல்லது நீராவியால் மூடப்பட்டிருப்பது காரணமாக இருக்கலாம் என்பது விஞ்ஞானிகளின் கருத்து.



வாசகர் கருத்து (1)

  • NicoleThomson - chikkanayakanahalli , tumkur dt and Bangalore, ,இந்தியா

    பூமியில் இருந்து மர்ம நபர்களை அங்கே அனுப்புங்க , அந்த கோL காணாமல் போய்விடும்

உங்கள் கருத்தைப் பதிவு செய்ய
Login via Dinamalar:
New to Dinamalar ?
(Press Ctrl+g   to toggle between English and Tamil)
புதிய செய்திகளுக்கு தினமலர் சேனலை Subscribe செய்யுங்கள்
Advertisement
Advertisement