Load Image
dinamalar telegram
Advertisement

சமைக்க வழிகாட்டு செயற்கை நுண்ணறிவு

ஒரு 'கேமிரா'வும், சமையலில் நிபுணத்துவம் கொண்ட ஒரு புத்திசாலி மென்பொருளும் சேர்ந்த, புதியவர்களுக்கு நளபாகத்தை கற்றுத்தருகிறது. நம்பமுடியவில்லையா? 'குக்சி' (Cooksy) என்ற ஒரு செயற்கை நுண்ணறிவு மென்பொருள், வீட்டிலேயே குடியிருக்கும் 'மாஸ்டர் செப்' போல உதவுகிறது.

சமையலறையில், அடுப்புக்கு மேலே ஒரு கேமிரா, வெப்பத்தை அளக்கும் தெர்மல் கேமிரா ஆகியவற்றை நிறுவி விடவேண்டும். அடுத்து குக்சி செயலியை ஒரு பலகைக் கணினியில் நிறுவி, அடுப்புக்கு அருகே வைக்கவேண்டும். சமையல் தெரியாதவர் ஒரு சமையல் குறிப்பை தேர்ந்தெடுத்ததும், அந்த உணவை சமைத்துக்காட்டும் வீடியோ, திரையில் தெரியும். அதைப் பார்த்தபடியே சமைக்கவேண்டும்.

வதக்கல், பொறித்தல், கொதித்தல் என்று எல்லாவற்றையும் மேலே உள்ள இரு புத்திசாலி கேமிராக்கள் பார்த்து, தகவலை செயலிக்கு அனுப்பும். சமைப்பவர் ஏதாவது பிழை செய்தால், உடனே குக்சி மென்பொருள் திருத்தங்களை சொல்லும். சீரகத்தை போடாவிட்டால் அது நினைவூட்டும். உப்பை அதிகம் போடப்போனால், எச்சரித்து தடுக்கும். வாணலியில் எண்ணெய் கொதித்ததும், அடுத்து செய்யவேண்டியதை குறிப்பறிந்து சொல்லும்.

இப்படி குக்சி செயலி, இன்றியமையாத சமையல் உதவியாளராக, வழிகாட்டும் மாஸ்டராக இருக்கும். ஏற்கனவே சமைக்கத் தெரிந்தவர்களுக்கு, அந்த திறமையை அடுத்த கட்டத்திற்கு எடுத்துச் செல்லும் பயிற்சியையும் குக்சி தருகிறது. குக்சி விரைவில் ஒரு தொலைக்காட்சி சமையல் நிகழ்ச்சியில் இடம் பெற்றாலும் ஆச்சரியமில்லை.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

Home வாசகர் கருத்து

    முதல் நபராக கருத்து தெரிவியுங்கள்!

Home கருத்தைப் பதிவு செய்ய

Advertisement