ஹில்லரோட்: டேவிஸ் கோப்பை டென்னிஸ் 'வேர்ல்டு குரூப்-1 பிளே-ஆப்' போட்டியில் ஏமாற்றிய இந்திய அணி 2-3 என, டென்மார்க் அணியிடம் தோல்வியடைந்தது.
டென்மார்க்கில், இந்தியா-டென்மார்க் அணிகள் மோதிய டேவிஸ் கோப்பை டென்னிஸ் 'வேர்ல்டு குரூப்-1 பிளே-ஆப்' போட்டி' நடந்தது. இதன் ஒற்றையர் பிரிவு முதல் போட்டியில் இந்தியாவின் யூகி பாம்ப்ரி தோல்வியடைந்தார். மற்றொரு போட்டியில் இந்தியாவின் சுமித் நாகல் 4-6, 6-3, 6-4 என டென்மார்க்கின் அகஸ்ட் ஹோம்கிரெனை வீழ்த்தினார். இதனையடுத்து போட்டி 1-1 என சமநிலையில் இருந்தது.
இரட்டையர் பிரிவு போட்டியில் இந்தியாவின் ரோகன் போபண்ணா, யூகி பாம்பரி ஜோடி, டென்மார்க்கின் ஹோல்கர் ரூன், ஜோஹன்னஸ் இங்கில்ட்சன் ஜோடியிடம் 2-6, 4-6 என தோல்வியடைந்தது.
அடுத்து நடந்த மாற்று ஒற்றையர் பிரிவு முதல் போட்டியில் இந்தியாவின் சுமித் நாகல், டென்மார்க்கின் ஹோல்கர் ரூன் மோதினர். ஒரு மணி நேரம், 37 நிமிடம் நீடித்த போட்டியில் ஏமாற்றிய சுமித் நாகல் 5-7, 3-6 என்ற நேர் செட் கணக்கில் தோல்வியடைந்தார். மற்றொரு போட்டியில் இந்தியாவின் பிரஜ்னேஷ் குன்னேஸ்வரன் 6-4, 7-6 என டென்மார்க்கின் எல்மரை வீழ்த்தி ஆறுதல் வெற்றி பெற்றுத் தந்தார்.
முடிவில் இந்திய அணி 2-3 என்ற கணக்கில் தோல்வியடைந்தது. இந்திய அணி 'வேர்ல்டு குரூப்-2' சுற்றுக்கு தள்ளப்பட்டது.
ஆளப்போகும் தொழில்நுட்பங்கள் எவை?
தினமலர் வழிகாட்டி 2023 - அனுமதி இலவசம்
Send Hi to 91505 74441
முதல் நபராக கருத்து தெரிவியுங்கள்!