பகவான் ஸ்ரீ ராமகிருஷ்ண பரமஹம்சர் 184 ஆவது ஜெயந்தி விழா டப்ளினிலுள்ள அயர்லாந்து வேதாந்த சொசைட்டியினரால் கொண்டாடப்பட்டது. அத்வைத் சுவாமி விவேகானந்தர் போல வேடமிட்டு சிகாகோ பிரசங்கத்திலிருந்து சில பகுதிகளை உரையாற்றி அசத்தினார்.

பிரான்சில் அருள்மிகு மீனாட்சி சுந்தரேஸ்வரர்ஆலயத்தில் மகா சிவராத்திரி மிக சிறப்பாக கொண்டாடப்பட்டது. அன்று பிரதோஷமும் இணைந்து இருந்ததால் மாலை ஆலயத்தில் உள்ள எல்லா மூர்த்திகளுக்கும் சிறப்பு அபிஷேகம், மகா சிவராத்திரி அபிஷேகம் அலங்காரம் நடைபெற்றது.

புல்வாமாவில் பயங்கவாதத்தால் நமது எல்லை பாதுகாப்பு வீரர்களை உயிர் சேதம் செய்ததை கண்டித்து, பிரான்ஸ் ஈபிள் கோபுரத்தின் அருகில், அனைத்து இந்தியர்களின் ஒட்டு மொத்த ஏகோபித்த கண்டனக்குரல் விண்ணை பிளக்கும் அளவில் ஒலித்தது.

பயங்கரவாத தாக்குதலில் இன்னுயிரை தியாகம் செய்த இந்திய வீரர்களுக்கு மரியாதை செலுத்தும் விதமாக, அயர்லாந்து வாழ் இந்தியர்கள் அயர்லாந்து, டபிலினில் ஒன்று திரண்டு தீபம் ஏற்றி தங்களது அஞ்சலியை செலுத்தினர். படம்: நமது செய்தியாளர் ரமேஷ் குருநாதன்

பிரான்ஸ் சிவன் கோயிலில் அருள்மிகு மீனாட்சி சுந்தரேசுவரர் ஆலயத்தில் சிறப்பாக கொண்டாடப்பட்டது . கோயிலில் வள்ளி தெய்வானை சமேத முருகப்பெருமானுக்கு சிறப்புஅபிஷேகம், அலங்காரம் செய்யப்பட்டது. பூசத்தை ஒட்டி வள்ளலார் உருவாக்கிய ஜோதி வழி பாடு நடைபெற்றது,

டப்ளின் கேந்திர ஸ்ரீ இராமகிருஷ்ணா மிஷன் கிளை நிறுவனமான வேதாந்தா சொசைட்டி வளாகத்திலுள்ள நிவேதிதா இல்லத்தில் சுவாமி விவேகானந்தர் ஜெயந்தி கோலாகலமாக நடைபெற்றது.

போலந்து, வார்ஸா நகரில் இந்திய குடியரசு தினத்தன்று, இந்திய தூதரகத்தில், தூதர் சேவாங் நம்கியால் தேசிய கொடி ஏற்றி வைத்து, ஜனாதிபதியின் உரையை வாசித்தார்.

பிரான்சில் அருள் மிகு மீனாட்சி சுந்தரேசுவரர் ஆலயத்தில் பொங்கல் திருநாள் சிறப்பு பூஜை நடைபெற்றது. தொடர்ந்து ப்ரங்கோ- இந்திய கலை மற்றும் கலாட்சார பண்பாட்டு சங்கத்தின் சார்பில் கலை நிகழ்ச்சிகள் நடைபெற்றது. சிறுவர் சிறுமிகளின் நடனம் காண கண்கோடி வேண்டும் என்பதுபோல் அரங்கமே அதிர்ந்தது

அயர்லாந்து, டப்ளின் நகரில் வாழும் தமிழர்கள் அறுவடை திருநாளாம் பொங்கல் பண்டிகையன்று பெரியவர்களும் சிறியவர்களும் தமிழ் பாரம்பரிய விளையாட்டுகளில் பங்கேற்றனர். பொங்கல் கொண்டாடப்படுவதன் நோக்கத்தை இளைய தலைமுரையினருக்கு பெரியவர்கள் விளக்கினர்.

தென் ஸ்வீடன் தமிழ்ச் சங்கத்தின் சார்பாக மூன்றாம் ஆண்டின் பொங்கல் விழா லுண்ட் நகரில் இனிதே நடைபெற்றது. பல வண்ண கலைநிகழ்ச்சிகளால் அரங்கம் உற்சாகத்தால் நிரம்பியது. முக்கியமாக பாரம்பரிய நடனங்களைக் குழந்தைகள் அதிகம் அரங்கேற்றியது மெய் சிலிர்க்க வைத்தது