பள்ளி வாகனங்களை ஆய்வு செய்த கலெக்டர்

தமிழகத்தில் பள்ளிகள் 6 முதல் 12 ம் வகுப்புகள் ஜூன் 1 ந் தேதியும், 1 முதல் 5 ம் வகுப்புகள் ஜூன் 5 ந்தேதியும் திறக்கப்படவுள்ளது. பள்ளி வாகனங்களில் வேகக்கட்டுப்பாடு கருவி உள்ளிட்டவை குறித்து மதுரை ஆயுதப்படை மைதானத்தில் கலெக்டர் சங்கீதா தலைமையில் SP சிவ பிரசாத், சிஇஓ கார்த்திகா, அதிகாரிகள், ஆர்டிஓ, தீயணைப்பு துறை அலுவலர்கள் ஆய்வு செய்தனர். 5 நாட்களில் 276 பள்ளிகளை சேர்ந்த 1,272 வாகனங்கள் சோதனை செய்யப்பட உள்ளது. வாகன டிரைவர்களுக்கு தீயணைப்பு துறை சார்பில் தீயணைப்பு கருவிகளை பயன்படுத்துவது குறித்தும், மாவட்ட நிர்வாகம் சார்பில் உடலையும் உள்ளத்தையும் ஆரோக்கியத்துடன் வைத்துக் கொள்ளவது குறித்து அறிவுறுத்தப்பட்டது.