சாலையை கடந்த யானைகள் வனத்துறையினர் விரட்டினர்

கிருஷ்ணகிரி மாவட்டம் தேன்கனிக்கோட்டை அருகே நொகனூர் காட்டில் முகாமிட்டிருந்த 3 யானைகள் ஏணிமுச்சந்திரம், சீனிவாசபுரம், ஆலல்லி கிராமங்களில் விவசாய நிலங்களில் பயிர்களை நாசம் செய்தன. இன்று காலை ஆலல்லி பகுதியில் சுற்றி திரிந்த 3 யானைகளை தேன்கனிக்கோட்டை வனத்துறையினர் பட்டாசு வெடித்து விரட்டினர், அப்போது யானைகள் அஞ்செட்டி சாலையை கடந்து தாவரகரை காட்டிற்கு சென்றன. யானைகளை வனத்துறையினர் கண்காணித்து ஜவளகிரி வனப்பகுதிக்கு விரட்ட நடவடிக்கை எடுத்து வருகின்றனர்.