Advertisement

மேஷம்

மேஷம்: கேது, சூரியன் நன்மையை வழங்குவர். திருச்செந்தூர் முருகனை மனதில் வழிபட வாழ்க்கை வளமாகும்.
அசுவினி: சனி பகவான் அஸ்தமனமாகி இருப்பதால் அவருடைய பார்வைகளால் உண்டான சங்கடம் விலகும். உடல்நிலை சீராகும். லாப ஸ்தான சூரியனால் வியாபாரம் தொழிலில் இருந்த தடை விலகும். லாபம் அதிகரிக்கும். எதிர்பார்ப்பு நிறைவேறும். சனி, ஞாயிறு அன்று செயல்களில் கவனம் தேவை.
பரணி: ஆறாமிடத்தில் கேது, பதினொன்றில் சூரியன் சஞ்சரிப்பதால் சங்கடம் விலகும். பொருளாதார நிலை உயரும், ஒரு சிலர் புதிய வாகனம் வாங்குவீர். தொழிலில் நீங்கள் மேற்கொள்ளும் முயற்சி பலிதமாகும். போட்டியாளர் விலகிச் செல்வர். ஞாயிறு திங்கள் அன்று உங்கள் முயற்சிகளில் தடைகளும் தாமதமும் ஏற்படும்.
கார்த்திகை 1ம் பாதம்: உங்கள் நட்சத்திரநாதன் லாப ஸ்தானத்தில் சஞ்சரிப்பதால் தடைபட்டிருந்த முயற்சி வெற்றியாகும். அரசுவழியில் எதிர்பார்த்த அனுமதி கிடைக்கும். வழக்கு விவகாரம் உங்களுக்கு சாதகமாகும். வேலைக்காக முயற்சித்தவர்களுக்கு எதிர்பார்த்த தகவல் வரும். திங்கள் அன்று செயல்களில் கவனம் தேவை.
சந்திராஷ்டமம்: 2.3.2024 அதிகாலை 4:26 மணி - 4.3.2024 காலை 11:25 மணி

Advertisement
 
Advertisement
Advertisement