நிதின் - ராஷ்மிகா படத்தை துவக்கி வைத்த சிரஞ்சீவி

தெலுங்கு சினிமாவில் முன்னணி நடிகர்களில் ஒருவர் நிதின். இயக்குனர் வெங்கி குடுமுலா இயக்கத்தில் மீண்டும் நிதின் நடிக்கிறார் . இதில் கதாநாயகியாக ராஷ்மிகா மந்தனா நடிக்கிறார். மைத்ரி மூவி மேக்கர்ஸ் தயாரிக்கும் இப்படத்திற்கு ஜி.வி.பிரகாஷ் குமார் இசையமைக்கிறார். இந்த படம் குறித்த அதிகாரப்பூர்வ அறிவிப்பு சமீபத்தில் வெளியானது. இந்நிலையில் இன்று இந்த திரைப்படத்தின் படப்பிடிப்பு பூஜையுடன் தொடங்கியது. படப்பிடிப்பை நடிகர் சிரஞ்சீவி கிளாப் அடித்து துவங்கி வைத்துள்ளார் . இந்த நிகழ்ச்சியில் நிதின் , ராஷ்மிகா, இயக்குனர் , தயாரிப்பாளர்கள் மற்றும் படக்குழுவினர் கலந்துகொண்டனர் . இந்த பூஜை நிகழ்வின் புகைப்படங்கள் தற்போது வெளியாகி வைரலாகி வருகிறது .