Load Image
dinamalar telegram
Advertisement

சிங்கப்பூர் ஸ்ரீ சிவ கிருஷ்ணா ஆலயத்தில் சரஸ்வதி பூஜை கோலாகலம்

சிங்கப்பூர் மார்ஷலிங் ஸ்ரீ சிவ கிருஷ்ணர் ஆலயத்தில் அக்டோபர் 4 ஆம் தேதி எழுத்தறிவித்த இறைவன் – கல்விக்கதிபதி - ஸ்ரீ சரஸ்வதி பூஜை மிகச் சிறப்பாக நடைபெற்றது. வெள்ளைத் தாமரையில் – வீணையோடு வீற்றிருந்து வெண் பட்டுடுத்திக் காட்சியளித்தது மெய்சிலிர்க்க வைத்தது. வித்யாரம்பம் பெற மழலைகள் நிரம்பி வழிந்தனர். தலைமை அர்ச்சகர் நாகராஜ சிவாச்சாரியார் தலைமையில் அர்ச்சகர்கள் பிள்ளைகளுக்கு அட்ச்சரம் எழுதி அன்னையின் ஆசி வழங்கிக் குதூகலிக்கச் செய்தனர்.

ஆலய மேலாண்மைக் குழுத் தலைவர் சுரேஷ்குமார் தலைமையில் தொண்டூழியர்கள் பிள்ளைகளுக்கு எழுது பலகைகள் – எழுது கோல்கள் பரிசளித்துப் பரவசப்படுத்தினர். சகலவித சௌபாக்கியங்களும் நல்கும் அன்னை ஸ்ரீ மூகாம்பிகையும் ஸ்ரீ சிவ கிருஷ்ணரும் சர்வ அலங்கார நாயகர்களாகக் காட்சியளிக்க – பக்தப் பெருமக்கள் அறுசுவைப் பிரசாதமும் அருட் பிரசாதமும் பெற்று மகிழ்ந்தனர்.

- நமது சிங்கப்பூர் செய்தியாளர் வெ.புருஷோத்தமன்

புதிய செய்திகளுக்கு தினமலர் சேனலை Subscribe செய்யுங்கள்
Advertisement
 

Home வாசகர் கருத்து

    முதல் நபராக கருத்து தெரிவியுங்கள்!

Home கருத்தைப் பதிவு செய்ய

Advertisement