Advertisement

உலக இரத்ததான தினத்தை முன்னிட்டு ததஜ ரியாத் மண்டலம் ஏற்பாடு செய்த இரத்ததானம் பற்றிய விழிப்புணர்வு நிகழ்ச்சி

Share

சவுதி அரேபியா சுகாதார துறையின் கீழ் செயல்படும் கிங் ஃபஹத் மெடிக்கல் சிட்டி மற்றும் கிங் சவுத் மெடிக்கல் சிட்டி (சுமைஸி) மருத்துவமனையின் மூலமாக தமிழ்நாடு தவ்ஹீத் ஜமாஅத் ரியாத் மண்டலம் சார்பாக கடந்த 13 ஆண்டுக்கு மேலாக இரத்ததான முகாம்கள் மற்றும் அவசர இரத்ததானங்கள் மூலமாக ஆயிரக்கணக்கான யூனிட்கள் குருதி கொடையளிக்கப்பட்டு வருகின்றது.

அதன் தொடர்ச்சியில் தற்போதைய கோரோனோ நோய் தொற்று சமயத்திலும் பல யூனிட்கள் இரத்தம் தனமாக தேவைப்படுபவர்களுக்கு வழங்கப்பட்டுக் கொண்டுள்ளது, அதன் ஒரு பகுதியாக நடப்பாண்டின் (2020) உலக இரத்ததான தினத்தை முன்னிட்டும், இரத்த கொடையாளர்களை ஊக்குவிக்கும் முகமாகவும் கொரோனா போன்ற அசாதாரண சூழலில் இரத்த தேவையின் அவசியத்தை கொடையாளிகளுக்கு விழிப்புணர்வூட்டும் நன்நோக்கத்தோடு கடந்த 26-06-2020 அன்று ஆன்லைன் மூலமாக நிகழ்ச்சி நடை பெற்றது.

இந்நிகழ்ச்சியில் ரியாத் பிராந்திய ஆய்வகம் மற்றும் இரத்த வங்கி இயக்குனர் டாக்டர். இப்ராஹிம் அல் தலீல் அவர்கள் 'இரத்ததானம் செய்பவராக மாறுங்கள்' என்ற தலைப்பில் உரையாற்றினார்கள்.

அதனை தொடர்ந்து மாற்று மருந்து சேவைத் துறை நோயியல் மற்றும் மருத்துவ ஆய்வக மருத்துவ நிர்வாகதுறையின் தலைவர் டாக்டர். அம்மார் ஹசன் அல் ஸுஹைர் அவர்கள் 'பாதுகாப்பான இரத்தம் பல உயிர்களை காக்கிறது' என்ற தலைப்பில் உரையாற்றி கொடையாளர்கள் கேட்ட கேள்விகளுக்கு மருத்துவ மற்றும் அறிவியல்பூர்வமாக பதில் அளித்தார்கள்.

இந்நிகழ்ச்சியில் தமிழ்நாடு தவ்ஹீத் ஜமாஅதின் ரியாத் மண்டல மருத்துவ அணியினர் மற்றும் பல்வேறு பகுதிகளில் இருக்கும் ஜமாஅத்தின் இரத்த கொடையாளர்கள் கலந்து கொண்டு பயனடைந்ததுடன், ஜமாஅத்தின் தன்னார்வல தொண்டர்கள் மற்றும் நன்கொடையாளர்களுக்கு மிகவும் ஊக்கமளிக்கும் விதமாக அமைந்தது.

ரியாத் மண்டல மருத்துவ அணி செயலாளர் சகோ. அஹ்மது முக்தார் அவர்களின் நன்றியுரையோடு நிகழ்ச்சி இனிதே நிறைவேறியது.

மேலும் விவரங்களுக்கு ...TNTJ Riyadh Blood Donation - In chargeAhamed Mukthar +966538534849

Share

Download for free from the Store »

Advertisement
 

வாசகர் கருத்து (2)

  • Vijaya Kumari - Coimbatore,இந்தியா

    hi

  • Vijaya Kumari - Coimbatore,இந்தியா

    super

கருத்தைப் பதிவு செய்ய

Advertisement