Advertisement

சிங்கப்பூரில் ஸ்ரீ கூடாரவல்லி - பாவை விழா

மாதங்களில் நான் மார்கழியாவேன் என்றார் பகவான். இந்த தெய்விகத் திங்களில் வைகறையில் எழுந்து நீராடி தங்களுக்கு நல்ல கணவன் கிடைக்குமாறு வேண்டி கன்னிப் பெண்கள் இறைவனைத் தொழுது பாவை நோன்பு மேற்கொள்ளுவது வழக்கம். இந்த வைபவத்தை ஸ்ரீ கூடாரவல்லி விழாவாக வைணவத் தலங்களிலே கொண்டாடுவர். ஸ்ரீ ஆண்டாள் நாச்சியார் எம்பெருமானோடு சேர்ந்து எல்லோரோடும் சேர்ந்து பாடுவது கூடாரவல்லி 27 ஆவது பாசுரம். ஆண்டாள் திருக் கல்யாணம் போன்றே ஆலயங்களில் செய்வது மரபு.
சிங்கப்பூர் சாங்கி ஸ்ரீ ராமர் ஆலயத்தில் இவ்வைபவம் வெகு விமரிசையாக நடைபெற்றது. ஸ்ரீ ஆண்டாள் நாச்சியார் சர்வ அலங்கார நாயகியாக வசந்த மண்டபத்தில் எழுந்தருளி அருள்பாலிக்க மங்கல மகளிர் வரிசை எடுத்து ஆலயம் வலம் வந்து சமர்ப்பித்தனர். தலைமை அர்ச்சகர் அம்மன்குடி வெ.ஸ்ரீநிவாச பட்டாச்சார்யார் பாவைப் பாடல் 30 பாசுரங்களையும் பாட பக்தப் பெருமக்கள் பரவசத்தோடு பின் தொடர்ந்து பாட ஒவ்வொரு பாசுரத்திற்கும் ஆராதனை செய்யப்பட்டு தளிகை சார்த்தி வழிபட்ட காட்சி கண்கொள்ளாக் காட்சியாகும். ஒவ்வொரு பாடலும் இவ்வாறு சேர்ந்திசைத்தது மெய் சிலிர்க்க வைத்தது. பெருந் திரளான பக்தர் பங்கேற்று இவ்வைபவத்தைச் சிறப்பித்தார்கள். கலந்து கொண்ட அனைவருக்கும் பிரசாதம் வழங்கப்பட்டது.
-

நமது செய்தியாளர் வெ.புருஷோத்தமன்

Download for free from the Store »

Advertisement
 

வாசகர் கருத்து (1)

  • Mal - Madurai,இந்தியா

    Good to know.... Am reminded of a telugu aunty who first told me about this festival.....

கருத்தைப் பதிவு செய்ய

Advertisement