Advertisement

குடும்பம் குதூகலம் கொண்டாட்டம்!- துபாயில் ஏழு மணி நேர கலைநிகழ்ச்சி. நிறைந்த அரங்கு, நிறைந்த மனது

துபாய் எமிரேட்ஸ் கலையரங்கில், “துபாய் ஃபேமிலி டேலண்ட்ஸ்” - டி.எஃப்.டி- யின் “குடும்பம் குதூகலம் கொண்டாட்டம்!”- கலை நிகழ்ச்சி நடை பெற்றது. கலர்ஸ் ஈவென்ட்ஸ் மற்றும் ரெட்ஸ்டார் நிறுவனங்கள் இணைந்து ஏற்பாடு செய்திருந்த இந்நிகழ்வு மாலை நான்கு மணி முதல் இரவு பதினோரு மணி வரை தொடர்ந்தது. கரோக்கி இசைப்பாடல்கள், பட்டிமன்றம், பலகுரல் நிகழ்ச்சி, நாடகம், “சமர்” தெருக்கூத்தின் நவீன வடிவம், வில்லுப்பாட்டு, வாத்திய இசை என ஏழு மணி நேரம் தொடர்ந்த கலைநிகழ்ச்சிகளை நிறைந்த அரங்கில் 600க்கும் அதிகமான மக்கள் உற்சாகத்துடன் கண்டு களித்தனர்.

பெரும் கலையனுபவத்தில் திளைத்து இருந்த மக்களின் தொடர் கரவொலியால், அரங்கம் அவ்வப்போது அதிர்ந்து அடங்கியது.

அமீரக பேச்சாளர்களைக்கொண்ட பட்டிமன்றம் சசிகுமார் தலைமையில் நடந்தது. நாட்டிய நிகழ்ச்சிகளுக்கான பயிற்சி, ஏற்பாடுகளை மோகன்ராஜ், வந்தனா விக்ரம் கவனித்துக் கொண்டனர். சமர் - தெருக்கூத்தின் நவீன வடிவம், “ஏ” மாத்தாலஜி நகைச்சுவை நாடகம் ஆகியன உள்ளிட்ட விழா ஏற்பாடுகள் கணேசன் ராமமூர்த்தி,பி.சி. மோகன், ராம், கண்ணன், பிரகாஷ், தாஜிதீன்,வெங்கட், ஆனந்த்குமார், விக்ரம் ஆகியோர் ஒருங்கிணைப்பில் நடந்தன.”லைகர்” மற்றும் “லீப் ஸ்போர்ட்ஸ்” உட்பட சில நிறுவனங்கள் விழாவுக்கான அனுசரனை வழங்கியிருந்தன. 89.4 தமிழ் பண்பலை மற்றும் அமீரக வலை ஒளி ஊடக அனுசரனை வழங்கியிருந்தனர்.


இந்த விழா,ஒரு மழைநாளின் குளிர் மாலை நேரத்தில், மக்கள் மனங்களை முத்தமிழால் நிரப்பிய இதமான விழா.

- நமது செய்தியாளர் காஹிலா

Download for free from the Store »

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement