Advertisement

பரியேறி அமெரிக்கா வந்த பெருமாள்' -மாரி செல்வராஜுடன் ஃபிரிஸ்கோ தமிழர்கள் ஓர் கலந்துரையாடல்

புரட்சியும்,யதார்த்தமும் ஒன்று கலந்த,ஜாதீயவாதிகளை கதிகலங்க வைத்த,வைக்கிற ஓர் அற்புதப் படைப்பை நமக்கு அளித்த ஓர் புரட்சி இளைஞர்,இயக்குனர் திரு.மாரி செல்வராஜ். அப்படம் வெளி வந்த பின்,நம் சமூகத்தில் ஒரு சின்ன மாற்றம்,ஒரு சின்ன அசைவு ஏற்பட்டிருப்பது என்னவோ உண்மை தான் !

தற்பொழுது அமெரிக்கத் தமிழர்களின் அழைப்பை ஏற்று அமெரிக்காவில் சுற்றுப்பயணம் செய்து இங்குள்ள தமிழர்களைச் சந்தித்துக் கலந்துரையாடிவருகிறார். இதன் ஒரு கட்டமாக பிப்ரவரி 5ம் தேதி செவ்வாய்க்கிழமை இரவு டெக்ஸாஸ் மாநிலம் பிரிஸ்கோ நகரில் உள்ள சென்னை கஃபே உணவகத்தில் பெரியார் அம்பேத்கர் படிப்பு வட்டத்தின் தோழர்கள் சார்பில் ஒரு இரவு விருந்தும் கலந்துரையாடலும் ஏற்பாடு செய்யப்பட்டிருந்தது.

அதில் கலந்துகொண்டு பரியேறும் பெருமாள் திரைப்படம் குறித்தும், படத்தில் இடம்பெற்ற பல்வேறு குறியீடுகள் குறித்தும் மற்றும் பொதுவான திரைப்படம், எழுத்து, சமூகம், அரசியல் குறித்தும் தோழர்களின் பல கேள்விகளுக்குப் பொறுமையாகவும், யதார்த்தமாகவும் கிட்டத்தட்ட மூன்று மணி நேரம் கலந்துரையாடினார்.

திரைப்படங்கள் மூலம் தொடர்ந்து சக மனிதர்களிடம் உரையாடிக்கொண்டே இருப்பேன் என்றும் மனித மாண்பை மீட்டெடுப்பதற்காக கலையைப் பயன்படுத்துவேன் என்றும் எப்போதும் சமரசம் செய்து கொள்ளமாட்டேன் என்றும் குறிப்பிட்டார்.

சமத்துவத்தைப் பேசிய பரியனுக்கும், 'மரித்த பின் உடலெங்கும் நீலம் பரவும் நான் யார்?' என்ற கேள்வியை முன்வைத்த இயக்குநர் மாரி செல்வராஜ் அவர்களுக்குப் படிப்பு வட்ட தோழர்கள் வாழ்த்துகளையும், பாராட்டுகளையும் தெரிவித்தனர்.

- தகவல்/புகைப்படங்கள்: ஃப்ரிஸ்கோ ஸ்டுடியோஸ்

Download for free from the Store »

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement