Load Image
Advertisement

தொழிற்கல்வி பாடப்பிரிவுகளை அனைத்து மேல்நிலைப்பள்ளிகளிலும் தொடர வேண்டும்

வேலுார்: மேல்நிலைப்பள்ளிகளில் தொழிற்கல்வி பாடப்பிரிவு தொடர வேண்டும், என, தொழிற்கல்வி ஆசிரியர் கழக மாநில தலைவர் ஜனார்த்தனன் கூறினார்.

இதுகுறித்து, வேலுாரில் அவர் நிருபர்களிடம் கூறியதாவது:


தற்போது நடைமுறையில் உள்ள தொழிற்கல்வி பாடங்களை, அனைத்து மேல்நிலைப்பள்ளிகளிலும் தொடர வேண்டும்.வேளாண் அறிவியல் கணக்கு பதிவியல், தணிக்கை இயல், வீட்டு மின் சாதனங்கள், பொது இயந்திரவியல், மின்னணுவியல், ஆடை வடிவமைத்தலும் தயாரித்தலும், நர்சிங் உள்ளிட்ட பாடப்பிரிவுகளில் ஏதாவது, 2 தொழிற்கல்வி பாடப்பிரிவுகளை பள்ளிகளில் அறிமுகப்படுத்த வேண்டும்.

தற்போதுள்ள தொழிற்கல்வி ஆசிரியர்கள் பணி ஓய்வு பெறும்போது, அப்பாடப்பிரிவுகளை மூடும் நிலை உள்ளது. இந்த நிலை நீடித்தால் இன்னும், 5 ஆண்டுகளில் மாநிலம் முழுவதும் அனைத்து தொழிற்கல்வி பாடப்பிரிவுகளையும் மூடும் நிலை ஏற்படும். எனவே, தொழிற்கல்வி ஆசிரியர்களை, புதிதாக நியமிக்க வேண்டும். இவ்வாறு அவர் கூறினார்.

Home வாசகர் கருத்து

    முதல் நபராக கருத்து தெரிவியுங்கள்!

Home கருத்தைப் பதிவு செய்ய

புதிய செய்திகளுக்கு தினமலர் சேனலை Subscribe செய்யுங்கள்
Advertisement
 
Advertisement