மைதான மேற்கூரை இடிந்த விவகாரம் : ஒப்பந்ததாரருக்கு நோட்டீஸ்

கட்டுமான பணிகளை மேற்கொண்ட நாமக்கல் ஜீ.வி., கட்டுமான நிறுவனத்திற்கு மாநகராட்சி சார்பில் விளக்கம் கேட்டு 'நோட்டீஸ்' அனுப்பப்பட்டது. ஏழு நாட்களுக்குள் மாநகராட்சி கமிஷனரை சந்தித்து விளக்கம் அளிக்க வேண்டும் என அறிவுறுத்தப்பட்டுள்ளது.

இந்நிலையில், சென்னை நகராட்சிகளின் நிர்வாக தலைமை பொறியாளர் பாண்டுரங்கன் மற்றும் சென்னை பல்கலைக்கழக தொழில்நுட்பக் குழுவினர் நேற்று சம்பவயிடத்தில் ஆய்வு மேற்கொண்டனர். ''இடிந்த கூரையை ஒப்பந்ததாரரே சொந்த செலவில் சரி செய்து தர அறிவுறுத்தப்பட்டுள்ளது,'' என, மாநகராட்சி கமிஷனர் சிவ கிருஷ்ணமூர்த்தி கூறினார்.