வேலுார்: வேலுார் மாவட்டம், குடியாத்தம் அடுத்த பூங்குளம் கிராம மலையடிவாரத்தில் கள்ள சாராயம் காய்ச்சுவதாக புகார் வந்தது. இதையடுத்து குடியாத்தம் தாலுகா போலீசார் அந்த பகுதியில் சோதனையில் ஈடுபட்டனர். போலீசாரை பார்த்ததும் 16 பேர் தப்பியோடினர். போலீசார் 8,200 லிட்டர் சாராய ஊறல் மற்றும் 17 சாராயம் காய்ச்சும் அடுப்புக்களை அழித்தனர். தப்பியோடிய 16 பேரை போலீசார் தேடி வருகின்றனர்.