Advertisement

நாப்கின் கேட்ட சிறுமியை கேவலப்படுத்திய பெண் ஐஏஎஸ் அதிகாரி

Audio இந்த செய்தியை கேட்க

Your browser doesn’t support HTML5 audio

பாட்னா: பீஹாரில், ‛குறைந்த விலைக்கு சானிட்டரி நாப்கின் வழங்குவீர்களா?' என்று கேட்ட பள்ளி மாணவிகளிடம், ‛இப்போ நாப்கின் கேட்பீர்கள்; கடைசியில் காண்டம் (ஆணுறை) கூட எதிர்பார்ப்பீர்கள்' என பெண் ஐஏஎஸ் அதிகாரி அநாகரிக முறையில் பேசியது சர்ச்சையாகியுள்ளது. இந்த அதிகாரிக்கு பலரும் கண்டனம் தெரிவித்துள்ளனர்.

பீஹார் மகளிர் மற்றும் குழந்தைகள் மேம்பாட்டு நிறுவனத்தின் இயக்குநராக இருப்பவர், ஐ.ஏ.எஸ். அதிகாரி ஹர்ஜோத் கவுர். இவர் பாட்னாவில் நடைபெற்ற ‛அதிகாரம் பெற்ற மகள்கள், வளமான பீகார்' என்ற கருத்தரங்கில் பங்கேற்றார். இதில், 9, 10ம் வகுப்பு படிக்கும் மாணவிகளுடன், பெண் ஐஏஎஸ் அதிகாரி ஹர்ஜோத் கலந்துரையாடினார்.

அப்போது மாணவிகள் சிலர், ஹர்ஜோத் கவுரிடம் சந்தேகங்களை கேட்டனர். அதில் ஒரு மாணவி, ‛அரசு நிறைய இலவசங்களை வழங்குகிறது. எங்களுக்கு ரூ.20 முதல் 30 வரையிலான சானிட்டரி நாப்கின்களை அரசால் வழங்க முடியாதா?' எனக் கேள்வி எழுப்பினார்.
இதற்கு பதிலளித்த ஹர்ஜோத், ‛இன்று நாப்கின் கேட்பீர்கள், நாளைக்கே ஜீன்ஸ் பேன்ட் கொடுங்கள் என்பீர்கள். பிறகு ஷூக்கள் வேண்டும் என்பீர்கள், முடிவில் குடும்ப கட்டுப்பாடு என்று வரும்போது, உங்களுக்கு இலவச காண்டம்களை அரசே தர வேண்டும் என கூறுவீர்கள்.

ஏன் அரசிடம் இருந்து பொருட்களை எடுத்து கொள்ள வேண்டிய அவசியம் உங்களுக்கு உள்ளது? இந்த எண்ணம் தவறானது' என மாணவிகளிடம் அருவருக்கத்தக்க வகையில் பதிலளித்தார். ஆனாலும் அதே மாணவி தொடர்ந்து, ‛அரசை தேர்ந்தெடுக்க ஓட்டளிப்பது இந்த மக்கள்தானே, தேர்தலின்போது எண்ணற்ற வாக்குறுதிகளை அரசு அளித்து வருவதாக' கூறி பதிலடி கொடுத்தார்.
இதனால் ஆத்திரமடைந்த ஹர்ஜோத் கவுர், ‛அப்படியெல்லாம் நினைத்துக் கொண்டிருந்தால், நீங்கள் ஓட்டளிக்கவே வேண்டாம். பாகிஸ்தானை போலவே மாறிவிடுங்கள்' என மிகவும் அலட்சியமாக பேசினார்.

இந்த வீடியோ இணையத்தில் வெளியாகி வைரலாகி வருகின்றன. பலரும் பெண் ஐஏஎஸ் அதிகாரி ஹர்ஜோத் பேச்சுக்கு கண்டனம் தெரிவித்து வருகின்றனர். மாணவிகளிடம் இது போன்று அநாகரிகமாக பேசி கேவலப்படுத்தியுள்ளதாக கருத்து தெரிவித்துள்ளனர்.



வாசகர் கருத்து (53)

  • K.n. Dhasarathan - chennai,இந்தியா

    இது போன்ற அதிகாரிகளை உடனே சஸ்பெண்ட் செய்யவேண்டும், பொறுப்பிலே இருக்கும்போது பேச்சிலே கவனம் இல்லையெனில் தகுந்த தண்டனை அதுவும் உடனே தரணும்.

  • Mind free napkins - Coimbatore ,இந்தியா

    Mind free napkins in ₹25,35,50,

  • பிரபு - மதுரை,இந்தியா

    சில ஐஏஎஸ், ஐபிஎஸ் அதிகாரிகள் இப்படித்தான் அரை வேக்காடாய் இருக்கிறார்கள். எப்படி படித்தார்கள் என்று தெரியவில்லை.

  • Ramesh Sargam - Back in Bengaluru, India.,இந்தியா

    அநாகரீகமாக பேசிய அந்த பெண் ஐஏஎஸ் அதிகாரி உடனே பதவி நீக்கம் செய்யப்படவேண்டும். தண்டிக்கப்படவேண்டும். மேலும் மன்னிப்பு கேட்கவேண்டும்.

  • nv -

    நான் அந்த பதிவை பார்த்தேன். iAS அதிகாரி அப்படி ஒன்றும் தவறாக செல்லவில்லை. இலவசங்களை எதிர்பார்ப்பது தவறு, காசுக்காக வாக்கு அளிப்பது தவறு என்பதை அவர் புரிய வைத்தார். அநாவசியமாக இதை பத்திரிக்கைகளும் ஊடகங்களும் ஊதி பெரிதாக ஆக்கி விட்டார்கள்.

உங்கள் கருத்தைப் பதிவு செய்ய
Login via Dinamalar:
New to Dinamalar ?
(Press Ctrl+g   to toggle between English and Tamil)
புதிய செய்திகளுக்கு தினமலர் சேனலை Subscribe செய்யுங்கள்
Advertisement
 
Advertisement