dinamalar telegram
Advertisement

சாதுர்யமான பஸ் டிரைவரால் உயிர் தப்பிய பயணிகள்

ADVERTISEMENT
பாகூர் : பணியின்போது நெஞ்சு வலியால் துடித்த அரசு பஸ் டிரைவர், சாதுர்யமாக செயல்பட்டு, சாலையோர கட்டையில் மோதி நிறுத்தியதால், பயணிகள் உயிர் தப்பினர்.

சென்னையில் இருந்து நாகப்பட்டினம் நோக்கி, நேற்று அதிகாலை 3.00 மணியளவில், தமிழக அரசு விரைவு பஸ் சென்று கொண்டிருந்தது. பஸ்சை, சிதம்பரத்தை சேர்ந்த முருகன், 46; ஓட்டினார். பஸ்சில் 30க்கும் மேற்பட்ட பயணிகள் இருந்தனர். பஸ், புதுச்சேரி - கடலுார் சாலை தவளக்குப்பம் சந்திப்பு அருகே சென்றபோது, டிரைவர் முருகனுக்கு திடீரென நெஞ்சு வலி ஏற்பட்டது. இதனால், கட்டுப்பாட்டை இழந்த பஸ் தாறுமாறாக ஓடியது. முருகன் வலியை பொறுத்துக் கொண்டு, பஸ்சை பாதுகாப்பாக நிறுத்த முயன்றார்.

சாலையோரத்தில் உள்ள கடையின் தடுப்புக் கட்டையில் மோதி, பஸ்சை நிறுத்தினார். வலியால் துடித்த அவரை, நடத்துனர் மற்றும் பயணிகள் மீட்டு, புதுச்சேரி அரசு பொது மருத்துவமனையில் அனுமதித்தனர். அங்கு, அவர் சிகிச்சை பெற்று வருகிறார்.விபத்து குறித்து தெற்கு போக்குவரத்து போலீசார் விசாரணை நடத்தி வருகின்றனர்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement
 

Home வாசகர் கருத்து

    முதல் நபராக கருத்து தெரிவியுங்கள்!
Advertisement