மாஜி வீரர் குடும்பத்திற்கு நல உதவி

திருவள்ளூர், : திருவள்ளூரில் முன்னாள் படை வீரர் நலத்துறை சார்பாக, முப்படை கொடிநாள் அனுசரிப்பு நிகழ்வில் படைவீரர் குடும்பத்தினரை, பாதுகாக்கும் வகையில், கொடிநாள் நிதி வசூலை, கலெக்டர் அல்பி ஜான் வர்கீஸ் துவக்கி வைத்தார்.

பின் அவர் கூறுகையில், 'திருவள்ளூர் மாவட்டத்தில், 2020-ம் ஆண்டிற்கான, கொடிநாள் நிதியாக, 3.82 கோடி ரூபாய் நிதி வசூல் செய்யப்பட்டுள்ளது' என்றார்.முன்னதாக, படைவீரர் குடும்பத்தினருக்கு, 2.30 லட்சம் ரூபாய் மதிப்பிலான நலத்திட்ட உதவியினை வழங்கினார். நிகழ்ச்சியில், முன்னாள் விமானப்படை கமாண்டோர் நாராயணன், முன்னாள் படைவீரர் நலன் உதவி இயக்குனர் அமீருன்னிஸா பங்கேற்றனர்.