Load Image
Advertisement

நம்பிக்கை ஓட்டெடுப்பில் நிதீஷ் குமார் அரசு வெற்றி

 Nitish Kumar government wins in trust vote    நம்பிக்கை ஓட்டெடுப்பில் நிதீஷ் குமார் அரசு வெற்றி
ADVERTISEMENT
பாட்னா : பீஹார் சட்டசபையில் நடந்த நம்பிக்கை ஓட்டெடுப்பில், முதல்வர் நிதீஷ் குமார் தலைமையிலான தேசிய ஜனநாயக கூட்டணி அரசு வெற்றி பெற்றது.

ஐக்கிய ஜனதா தள தலைவரும், பீஹார் முதல்வருமான நிதீஷ் குமார், சமீபத்தில் லாலு பிரசாத் யாதவின் ராஷ்ட்ரீய ஜனதா தளத்துடன் கூட்டணியை முறித்தார்.

தொடர்ந்து, பா.ஜ., கூட்டணியில் மீண்டும் இணைந்த அவர், பீஹார் முதல்வராக பதவியேற்றார்.

இந்நிலையில் நேற்று, பீஹார் சட்டசபையில் முதல்வர் நிதீஷ் குமாரின் தே.ஜ., கூட்டணி அரசு மீது நம்பிக்கை ஓட்டெடுப்பு நடந்தது.

முன்னதாக, ராஷ்ட்ரீய ஜனதா தளத்தைச் சேர்ந்த, சட்டசபை சபாநாயகர் அவத் பிஹாரி சவுத்ரிக்கு எதிராக, தே.ஜ., கூட்டணி அரசு கொண்டு வந்த நம்பிக்கையில்லா தீர்மானம் வெற்றி பெற்றதை அடுத்து, துணை சபாநாயகர் மகேஷ் குமார் அன்சாரி, நம்பிக்கை ஓட்டெடுப்பை நடத்தினார்.

அப்போது, 129 எம்.எல்.ஏ.,க்கள் அரசுக்கு ஆதரவாக ஓட்டளித்தனர். துணை சபாநாயகர் மகேஷ் குமார் அன்சாரியின் ஓட்டும் கணக்கில் எடுத்துக் கொள்ளப்பட்டதால், அரசுக்கு ஆதரவாக 129 எம்.எல்.ஏ.,க்கள் ஓட்டளித்ததாக அறிவிக்கப்பட்டது.

குரல் வாயிலாக நடந்த ஓட்டெடுப்பில் பங்கேற்காமல், எதிர்க்கட்சிகளின் எம்.எல்.ஏ.,க்கள் வெளிநடப்பு செய்தனர்.

இதற்கிடையே, சபையில் நேற்று ராஷ்ட்ரீய ஜனதா தளத்தைச் சேர்ந்த மூன்று எம்.எல்.ஏ..,க்கள் ஆளுங்கட்சி வரிசையில் அமர்ந்திருந்தது பரபரப்பை ஏற்படுத்தியது.


வாசகர் கருத்து

    முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய
Login via Dinamalar:
New to Dinamalar ?
(Press Ctrl+g   to toggle between English and Tamil)
புதிய செய்திகளுக்கு தினமலர் சேனலை Subscribe செய்யுங்கள்
Advertisement
 
Advertisement