26ல் தி.மு.க., மாவட்ட செயலர்கள் கூட்டம்

சென்னை:சென்னை தி.நகரில் உள்ள அகார்டு ஓட்டலில், நவ.26ம் தேதி முதல்வர் ஸ்டாலின் தலைமையில், தி.மு.க., மாவட்ட செயலர்கள் கூட்டம் நடக்கவுள்ளது என, அக்கட்சியின் பொதுச்செயலரும், அமைச்சருமான துரைமுருகன் கூறியுள்ளார்.

அவரது அறிக்கை:

முதல்வர் ஸ்டாலின் தலைமையில் தி.மு.க., மாவட்ட செயலர்கள் கூட்டம், நவ. 26ம் தேதி காலை 10:30 மணிக்கு சென்னை தி.நகரில் உள்ள அகார்டு ஓட்டலில் நடக்கவுள்ளது. அப்போது, மாவட்ட செயலர்கள் அனைவரும் தவறாமல் பங்கேற்க வேண்டும். தி.மு.க., இளைஞரணி 2வது மாநாடு மற்றும் ஓட்டுச்சாவடி பொறுப்பாளர்கள், உறுப்பினர்களின் பணிகள் குறித்து, அக்கூட்டத்தில் விவாதிக்கப்படுகிறது.

இவ்வாறு அமைச்சர் துரைமுருகன் கூறியுள்ளார்.