மக்களுடன் முதல்வர் திட்டம் வீடு அருகில் மின்சார சேவை

சென்னை:தமிழகத்தில் புதிய மின் இணைப்பு உள்ளிட்ட மின்சார சேவைகளுக்கான விண்ணப்பத்தை, மின் வாரியத்தின் இணையதளத்தில் விண்ணப்பிக்க வேண்டும். இதற்கு சிலர் சிரமப்படுகின்றனர்.

தமிழக அரசு சார்பில், சென்னை உட்பட பல மாவட்டங்களில், மக்களுடன் முதல்வர் திட்டத்தின் கீழ் இன்று சிறப்பு முகாம்கள் நடத்தப்படுகின்றன.

வீடுகளுக்கு அருகிலேயே நடக்கும் இந்த முகாமில், பொது மக்கள் பங்கேற்று புதிய மின் இணைப்பு, மின் கட்டண விகித மாற்றம், மின் இணைப்பு பெயர் மாற்றம் உட்பட ஆறு மின்சார சேவைகளுக்கு விண்ணப்பிக்கலாம்.

இதேபோல, வருவாய் துறை, உள்ளாட்சி உள்ளிட்ட துறைகளின் சேவைகளுக்கும் விண்ணப்பிக்கலாம். முகாமில் பெறப்படும் விண்ணப்பங்கள் மீது விரைந்து நடவடிக்கை எடுக்கப்படும்.