நியாயம் கேட்டு காவல் நிலையம் சென்ற ஆட்டுக்குட்டி... ஏமாற்றத்துடன் வீடு திரும்பி சென்ற குட்டி...

விழுப்புரம் மாவட்டம் வானூர் அடுத்த வாழபட்டாம்பளயம் பகுதியை சேர்ந்தவர் கூலித் தொழிலாளி மணிகண்டன் வயது 45 இவர் தனக்கு சொந்தமாக நான்கு ஆட்டி குட்டிகளை வளர்த்து வருகிறார்

இந்நிலையில் நேற்று இவரது 4 ஆட்டுக்குட்டிகள் இவரது வீட்டின் அருகில் வசிப்பவர் ஜெயக்குமார் தந்தை பெயர் ஜெகதீசன் என்பவர் வீட்டிற்கு சென்றுள்ளது இதனைப் பார்த்த ஜெயக்குமார் இரும்பு பைபால் ஆட்டுக்குட்டிகளையும் பலமாக தாக்கி காலை உடைத்து உள்ளார் மேலும் ஆட்டின் கொம்பை உடைத்து ஆட்டுகுட்டியை பலமாக தாக்கியுள்ளார். இதன் அடிப்படையில் ஆட்டுகுட்டியுடன் மணிகண்டன் ஆரோவில் காவல் நிலையம் சென்று புகார் அளித்துள்ளார்.

புகாரின் பேரில் போலீசார் ஜெயக்குமாரை காவல் நிலைய அழைத்து வந்து விசாரணை செய்தார். மேலும் திடீர் என மணிகண்டன் காவல் நிலையம் சென்று புகாரை திரும்ப பெறுவதாக கூறி எழுதிக் கொடுத்துள்ளார் மணிகண்டன் ஜெயக்குமார் சமரசம் செய்து கொண்டதாக கடிதம் எழுதிக் கொடுத்ததின் பேரில் போலீசார் வழக்கு பதியாமல் அவர்கள் இருவரையும் அனுப்பி வைத்தனர்

ஆட்டுக்குட்டியும் அழைத்துச் செல்லும்படி கூறியதால் ஆட்டுக்குட்டியை காவல் நிலையத்தில் இருந்து வீட்டுக்கு அழைத்து சென்றனர். மேலும் இந்த ஆட்டுக்குட்டி நிலைமையைகண்டு அப்பகுதியில் உள்ளவர்கள் வீடியோ எடுத்து சமூக வலைதளங்களில் பதிவிட்டுள்ளனர்

வீட்டுக்குள் சென்றதாக கூறி ஆட்டுக்குட்டிகளை அடித்து துன்புறுத்திய சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.