ரேஷன் கடை ஊழியர் விபத்தில் உயிரிழப்பு

கும்மிடிப்பூண்டி: கவரைப்பேட்டை அடுத்த எருக்குவாய் அருகே மணலி கிராமத்தில் வசித்தவர் பிரியங்கா, 29. தேர்வாய் அடுத்த கரடிபுத்துார் ரேஷன் கடையில் விற்பனையாளராக வேலை பார்த்து வந்தார். நேற்று மாலை வேலை முடிந்து டூ-- வீலரில் வீடு சென்றுக்கொண்டிருந்தார்.

கவரைப்பேட்டை - சத்தியவேடு சாலையில், பூவலம்பேடு திடீர் நகர் அருகே சென்றபோது, சாலையின் குறுக்கே வந்த நாய் மீது மோதி கீழே விழுந்து பலத்த காயம் அடைந்தார். ஆபத்தான நிலையில் மருத்துவமனை கொண்டு செல்லும் வழியில் உயிரிழந்தார்.

கவரைப்பேட்டை போலீசார் விசாரித்து வருகின்றனர்.