வடமாநில தொழிலாளி கீழே விழுந்து சாவு 

கடலுார் : கடலுார் அருகே மேம்பால கட்டுமான பணியில் ஈடுபட்டிருந்த வடமாநில தொழிலாளி கீழே விழுந்து இறந்தார்.

விழுப்புரம்-நாகப்பட்டிணம் இடையே நான்கு வழிச்சாலை பணி நடந்து வருகிறது. இதன் ஒரு பகுதியாக கடலுார் அடுத்த அன்னவல்லியில் மேம்பாலம் அமைக்கும் பணி நடக்கிறது. மேம்பாலத்தில் மத்திய பிரதேசத்தைச் சேர்ந்த ஜெக்மோகன் சாகு, 22; என்பவர் கட்டுமான பணியில் ஈடுபட்டிருந்த போது, திடீரென தவறி கீழே விழுந்தார். இதில், பலத்த காயமடைந்த அவரை, சக தொழிலாளர்கள் மீட்டு புதுச்சேரி தனியார் மருத்துவமனையில் சேர்த்தனர். அங்கு அவர் இறந்தார்.

முதுநகர் போலீசார் வழக்குப் பதிந்து விசாரணை நடத்தி வருகின்றனர்.