காவிரி விவகாரம்: திமுக அரசுக்கு பழனிசாமி கண்டனம்

சென்னை: அ.தி.மு.க., பொதுச்செயலாளர் பழனிசாமி வெளியிட்ட அறிக்கை : காவிரி பிரச்னையில் தும்பை விட்டு தி.மு.க., அரசு வாலை பிடிக்கிறது. தி.மு.க., அரசின் பேச்சை நம்பி டெல்டா பகுதியில் 5 லட்சம் ஏக்கரில் குறுவை சாகுபடியை விவசாயிகள் துவங்கினர்.
குறுவை சாகுபடிக்கு போதிய தண்ணீரின்றி 3.50 லட்சம் ஏக்கர் பயிர்கள் கருகி விட்டன. மீதமுள்ள 1.5 லட்சம் ஏக்கர் நிலங்கள் கிணற்று பாசன உதவியுடன் விவசாயிகள் பயிர் செய்து வருகின்றனர்.

முன் யோசனையின்றி மேட்டூர் அணையில் இருந்து ஜூன் 12ம் தேதி முதல்வர் தண்ணீர் திறந்து விட்டார். ‛நானும் டெல்டாக்காரன்' எனக்கூறும் முதல்வர் பெங்களூரு கூட்டத்தில் பங்கேற்றதை தவிர்த்திருக்கலாம். மேட்டூர் அணை நீரை காலி செய்து விட்டு பெயருக்கு மத்திய அரசை காரணம் காட்டி மாநில அரசு காலதாமதம் செய்தது. அனைத்து கட்சி கூட்டத்தை கூட்டி காவிரி நீரை பெற உறுதியான நிலைப்பாட்டை அரசு எடுக்க வேண்டும். இவ்வாறு அந்த அறிக்கையில் பழனிசாமி கூறியுள்ளார்.