ஆசிய விளையாட்டு: பதக்க பட்டியலில் முன்னேறும் இந்தியா!

ஹாங்சு: ஆசிய விளையாட்டு போட்டியில், இதுவரை 6 தங்கப் பதக்கங்களோடு 24 பதக்கங்களை வென்று இந்தியா 5வது இடத்திற்கு முன்னேறி உள்ளது.

சீனாவின் ஹாங்சுவில் 19வது ஆசிய விளையாட்டு நடக்கிறது. ஆசிய விளையாட்டு போட்டியில், பல்வேறு பிரிவில், பதக்கங்களை இந்தியா குவித்து வருகிறது. நேற்று(செப் 27) வரை இந்தியாவின் பதக்க எண்ணிக்கை 22 (5 தங்கம், 7 வெள்ளி, 10 வெண்கலம்) ஆனது. இன்று(செப்.,28) ஆசிய விளையாட்டு போட்டியில் இந்தியா அசத்தி வருகிறது.

துப்பாக்கி சூடு

துப்பாக்கி சூடு 10 மீட்டர் ஏர் பிஸ்டல் அணி பிரிவில், இந்திய அணி தங்கப் பதக்கம் வென்றது. இந்தியா வீரர்களான அர்ஜூன் சீமா, சராப்ஜோட் சிங் மற்றும் ஷிவ நர்வா ஆகியோ தங்கம் வென்றனர்.

வெள்ளி

அதேபோல், ஆசிய விளையாட்டு போட்டியின் வுஷூ மகளிர் 60 கிலோ இறுதி சுற்று போட்டியில் இந்தியாவின் ரோஷிபினா தேவிக்கு வெள்ளி பதக்கம் கிடைத்துள்ளது. இன்று(செப்., 28) இந்தியாவுக்கு மேலும் ஒரு தங்கம் மற்றும் ஒரு வெள்ளி கிடைத்துள்ளது. இதனால், இதுவரை 6 தங்கப் பதக்கங்களோடு 24 பதக்கங்களை வென்று இந்தியா 5வது இடத்திற்கு முன்னேறி உள்ளது.

இந்தியாவுக்கு மேலும் ஒரு பதக்கம்

தனிநபர் குதிரையேற்ற போட்டியில், இந்தியாவின் அனுஷ் அகர்வால், வெண்கலம் வென்றார்.