விட்டமின் மருந்து  வழங்கும் முகாம்

சிவகங்கை : சிவகங்கை மாவட்டத்தில் பொது சுகாதாரத்துறை சார்பில் விட்டமின் ஏ சொட்டு மருந்து வழங்கும் திட்டம் செப்.19 முதல் செப்.25 வரை 6 மாதம் முதல் 5 வயதுக்குட்பட்ட குழந்தைகள் அனைவருக்கும் அங்கன்வாடி மையங்கள், துணை சுகாதார நிலையங்கள் மற்றும் அரசு ஆரம்ப சுகாதார நிலையங்களில் இலவசமாக வழங்கப்பட உள்ளது.

சிவகங்கை மாவட்டத்தில் உள்ள 92 ஆயிரத்து 295 குழந்தைகள் பயன் பெறுவர். 1552 அங்கன்வாடி மையங்களில் அங்கன்வாடி பணியாளர்கள் மூலமாகவும் கிராம சுகாதார செவிலியர் மூலமாகவும் வீடுதோறும் வழங்கப்பட உள்ளது என சுகாதார துறை துணை இயக்குநர் விஜய் சந்திரன் தெரிவித்தார்.