பள்ளி அருகே துர்நாற்றம் வீசுது... மின் கம்பத்தால் ஆபத்து காத்திருக்குது!

குழியை மூட வேண்டும்

திருப்பூர், அனுப்பர்பாளையம், திலகர் நகர், 5வது வீதியில் குழாய் உடைப்பை சரிசெய்ய தோண்டிய குழி, இன்னமும் மூடவில்லை. இதனால், மக்கள் சிரமப்படுகின்றனர்.

- வரதராஜ், திலகர்நகர். (படம் உண்டு)

குப்பை அள்ளுங்க...

திருப்பூர் ெஷரீப் காலனி, குங்கும விநாயகர் கோவில் வீதியில் தேங்கியுள்ள குப்பையை அள்ள வேண்டும். தொட்டி அருகிலேயே குப்பை கொட்டப்படுகிறது.

- சிவசுப்ரமணி, ெஷரீப்காலனி. (படம் உண்டு)

கழிவுநீரால் அவதி

திருப்பூர், மங்கலம், அமிர்தா பள்ளி நுழைவு வாயில் அருகே கழிவுநீர் வெளியேற வழியின்றி தேங்கியுள்ளது. துர்நாற்றம் வீசுகிறது. கழிவுநீரை வெளியேற்ற நடவடிக்கை எடுக்க வேண்டும்.

- சக்தி, மங்கலம். (படம் உண்டு)

பேரூராட்சி கவனத்துக்கு...

ஊத்துக்குளி ஆர்.எஸ்., சர்ச் அருகே கட்டப்பட்டுள்ள கழிவுநீர் சுவர் பணி தரமில்லாததால், இப்போதே விரிசல் ஏற்பட்டுள்ளது. பேரூராட்சி நிர்வாகம் கவனம் செலுத்த வேண்டும்.

- ஜெயராஜ், ஊத்துக்குளி. (படம் உண்டு)

மின்கம்பத்தால் ஆபத்து

திருப்பூர், முதல் வார்டு செட்டிபாளையம், கருப்பராயன் கோவில் வீதியில், சிமென்ட் பூச்சு பெயர்ந்து, கம்பி வெளியே தெரியும் வகையில், விழும் நிலையில் மின்கம்பம் உள்ளது. கம்பத்தை மாற்ற வேண்டும்.

- நித்யா, செட்டிபாளையம். (படம் உண்டு)

கால்வாய் அடைப்பு

திருப்பூர், அரிசிகடை வீதியில் கால்வாய் அடைப்பு ஏற்பட்டு கழிவுநீர் ஆறாக சாலையில் ஓடுகிறது. பாதசாரிகள் நடக்க முடியாமல் சிரமப்படுகின்றனர். கால்வாய் அடைப்பை சுத்தம் செய்ய வேண்டும்.

- மூர்த்தி, அரிசிக்கடை வீதி. (படம் உண்டு)

நடக்க வழியில்லை

திருப்பூர், ஊத்துக்குளி ரோடு, 2வது ரயில்வே கேட் ஸ்டாப் அருகே சாலையின் ஒரத்தில் உள்ள மணல் திட்டுக்கள் உள்ளது. சாலை குறுகலாகி, கனரக வாகனம் செல்லும் போது, பாதசாரிகள் நடக்க வழியில்லை.

- ஞானசம்பந்தன், ஊத்துக்குளி ரோடு. (படம் உண்டு)

வீணாகும் தண்ணீர்

திருப்பூர், அவிநாசி ரோடு, தண்ணீர் பந்தல் இந்தியன் ஆயில் பெட்ரோல் பங்க் முன்புறம் குழாய் உடைந்து தண்ணீர் வீணாகி கால்வாயில் கலக்கிறது. குழாய் உடைப்பை சரிசெய்ய வேண்டும்.

- கேசவ், தண்ணீர் பந்தல். (படம் உண்டு)

திருப்பூர், பல்லடம் ரோடு, தென்னம்பாளையம் பஸ் ஸ்டாப்பில் குழாய் உடைந்து தண்ணீர் வீணாகிறது. சரிசெய்ய வேண்டும்.

- தீபன்குமார், தென்னம்பாளையம். (படம் உண்டு)

திருப்பூர், எஸ்.பெரியபாளையத்தில் குழாய் உடைந்து தண்ணீர் சாலையில் ஓடுகிறது. குழாய் உடைப்பை சரிசெய்து, தண்ணீரை மிச்சப்படுத்த வேண்டும்.

- சங்கரநாராயணன், எஸ்.பெரியபாளையம். (படம் உண்டு)