ADVERTISEMENT
ஒன்பிளஸ் பேட் கோ (Oneplus Pad Go) மாடலின் இந்திய அறிமுக தேதி அதிகாரபூர்வமாக அறிவிக்கப்பட்டுள்ளது.
ஸ்மார்ட்போன்கள் மட்டுமல்லாது டேப்லெட் தயாரிப்பிலும் மிகவேகமாக வளர்ந்து வரும் ஒன்பிளஸ் நிறுவனம், இந்திய சந்தையில் தனது இரண்டாவது டேப்லெட் மாடலை அறிமுகம் செய்யவுள்ளது. அதாவது, ஒன்பிளஸ் நிறுவனம் முன்னதாக அறிமுகம் செய்த ஒன்பிளஸ் பேட் மாடலுக்கு கிடைத்த வரவேற்பை தொடர்ந்து தற்போது, அடுத்த படைப்பாக ஒன்பிளஸ் பேட் கோ மாடலை வருகிற அக்டோபர் 6ம் தேதி இந்தியாவில் அதிகாரப்பூர்வமாக அறிமுகம் செய்யவுள்ளது.
இந்த புதிய ஒன்பிளஸ் பேட் கோ மாடல், வைஃபை-ஒன்லி (WiFi Only), வைஃபை மற்றும் செல்லுலார் கனெக்டிவிட்டி (WiFi and Cellular Connectivity) என இரண்டு வேரியன்ட்களில் வரவுள்ளது. அதுமட்டுமல்லாமல், இந்த மாடல் டோன்டு டவுன் வெர்ஷனாக (Toned Down Version) ஆக இருக்கும் எனக் கூறப்படுகிறது. அதாவது, முந்தைய பேட் மாடலைவிட குறைவான விலையிலேயே விற்பனைக்கு வரவுள்ளது. கிட்டத்தட்ட லைட் வெர்ஷன் போல வெளிவரலாம்.
டிசைன் மற்றும் கேமரா செட்டப்பை பொறுத்தவரை கிட்டத்தட்ட ஒரே மாதிரியான அமைப்பை கொண்டுள்ளது. அதன்படி முந்தைய பேட் மாடலில் உள்ள அதே கர்வ்டு எட்ஜ் டிசைன் (Curved Edge Design) உடனே வருகிறது. இதுதவிர 2.4கே ரெசல்யூஷனை கொண்ட டிஸ்பிளே (2/4K Resolution Display), சிங்கிள் ரியர் கேமரா செட்டப், மற்றும் நான்கு ஸ்பீக்கர் அமைப்பை கொண்டுள்ளது. அதோடு, ஆக்சிஜன்ஓஎஸ் 13 (Oxygen OS 13) மூலம் இயக்கப்படுகிறது.
இதில் முக்கிய அம்சமாக, கன்டென்ட் சின்க் (Content Sync Feature) அம்சம் வழங்கப்பட்டுள்ளது. இதன் மூலம் பயனர்கள் தங்கள் ஒன்பிளஸ் டிவைஸ்களிலிருந்து ஒன்பிளஸ் பேட் கோ டேப்லெட்டிற்கு மீடியா மற்றும் கிளிப்போர்டு கன்டென்ட்டை விரைவாக பகிர முடியும். அதுமட்டுமல்லாமல், மேலும், ஸ்க்ரீன் ஷேரிங் (Screen Sharing) எனும் புதிய அம்சம் மூலம் ஒன்பிளஸ் ஸ்மார்ட்போன் பயனர்கள் வைஃபை இணைப்பை பயன்படுத்தாமலேயே தங்கள் ஸ்க்ரீன்களை ஒன்பிளஸ் பேட் கோ டேப்லெட் உடன் பகிர்ந்து கொள்ள முடியும்.
மேட் மெட்டல் (Matte Metal) மற்றும் க்ளாஸி பினிஷ் (Glossy Finish) உடனான இரண்டு வகையான க்ரீன் கலர் டெக்ஷரில் ஒரு தனித்துவமான 'ட்வின் மின்ட்' (Twin Mint) நிறத்தில் விற்பனைக்கு வரலாம். ஒன்பிளஸ் பேட் கோ டேப்லெட் ஆனது இந்தியாவில் ரூ.25,999 க்கு அறிமுகம் செய்யப்படலாம்.
முதல் நபராக கருத்து தெரிவியுங்கள்!