ரயில் விபத்து: பிரதமர் மோடி என்ன சொல்ல போகிறார்?: கேட்கிறார் கார்கே

புதுடில்லி: ஒடிசாவில் நடந்த ரயில் விபத்து இந்திய வரலாற்றில் மிக மோசமான ரயில் விபத்தாக உள்ளது. இது குறித்து பிரதமர் மோடி என்ன சொல்ல போகிறார்? என காங்கிரஸ் தேசிய தலைவர் மல்லிகார்ஜூன கார்கே கூறியுள்ளார்.


மேலும், ரயில்களில் பயணிகளின் பாதுகாப்பை உறுதி செய்ய வேண்டும் என பிரதமர் மோடிக்கு காங்., தலைவர் கார்கே கடிதம் எழுதியுள்ளார். கடிதத்தில் கார்கே கூறியிருப்பதாவது: ரயில்களில் பயணிகள் பாதுகாப்பை உறுதி செய்ய பாதுகாப்பு உபகரணங்களை அமைக்க வேண்டும்.


ரயில்வேயில் உள்ள காலிப்பணியிடங்கள் 9 ஆண்டுகளாக நிரப்பப்படாமல் இருப்பது ஏன்?. இந்திய ரயில்வேயில் 4 சதவீத வழித்தடங்களில் மட்டுமே 'கவச்' பாதுகாப்பு கருவி பொறுத்தப்பட்டிருப்பது ஏன்?.

ரயில் விபத்து தொடர்பாக எழும் கேள்விகளுக்கு தீர்வு காணும் எண்ணம் அரசுக்கு இல்லை. என பல்வேறு கேள்விகளை பிரதமர் மோடிக்கு எழுதியுள்ள கடிதத்தில் காங்கிரஸ் தலைவர் மல்லிகார்ஜூன கார்கே வலியுறுத்தியுள்ளார்.