கர்நாடகாவில் அமைச்சரவை விரிவாக்கம்: 24 பேர் பதவியேற்பு

பெங்களூரு: கர்நாடக காங்கிரஸ் அரசின் அமைச்சரவை இன்று(மே 27) விரிவாக்கம் செய்யப்பட்டது. 24 அமைச்சர்கள் பதவியேற்று கொண்டனர்.


கர்நாடகாவில், முதல்வர் சித்தராமையா தலைமையில் காங்கிரஸ் ஆட்சி நடக்கிறது. இம்மாதம் 20ம் தேதி பதவியேற்ற முதல்வர், துணை முதல்வர், எட்டு அமைச்சர்களுக்கு நேற்று வரை துறைகள் ஒதுக்கப்படவில்லை.

இந்நிலையில், பெங்களூரு ராஜ்பவனில் உள்ள கண்ணாடி மாளிகையில் நடந்த பதவியேற்பு விழாவில், மேலும் 24 பேர் அமைச்சர்களாக பதவியேற்றனர். கவர்னர் தாவர்சந்த் கெலாட், பதவி பிரமாணம் செய்து வைத்தார்.