குழாயில் விரிசல் வீணாகும் தண்ணீர்

கிருஷ்ணராயபுரம்,-வல்லம் துணை மின்நிலையம் அருகே, குடிநீர் குழாயில் விரிசல் ஏற்பட்டு தண்ணீர் வீணாகிறது.
கிருஷ்ணராயபுரம் அடுத்த வல்லத்தில் துணை மின்நிலையம் செயல்படுகிறது. இதனருகே குடிநீர் குழாய் செல்கிறது. நேற்று காலை, இந்த குழாயில் அழுத்தம் காரணமாக விரிசல் ஏற்பட்டு, வல்லம்-கொம்பாடிப்பட்டி சாலையில் குடிநீர் வீணாக வெளியேறியது. இதனால் குடிநீர் மக்களுக்கு தடையின்றி வழங்குவதில் சிரமம் ஏற்பட்டுள்ளது. தற்போது கோடைகாலம் என்பதால் பல கிராமங்களில் குடிநீர் பிரச்னை நிலவுகிறது. எனவே, குழாயில் ஏற்பட்ட விரிசலை சரிசெய்ய நடவடிக்கை எடுக்க வேண்டும்.