உடுமலை:---உடுமலையில் மல்லிகைப்பூ விலை சரிவால், சந்தைக்கு வரத்து அதிகரித்துள்ளது.

பண்டிகை நாட்களிலும், விேஷச தினங்களிலும் பூக்களின் தேவை அதிகரித்து வருகிறது. மக்களும், கோவிலுக்கு செல்லவும், விேஷசங்களுக்கு போகவும், பூக்களும் அதிக அளவில் வாங்குகின்றனர்.

இந்நிலையில், உடுமலைக்கு நிலக்கோட்டை, சத்தியமங்கலம் உள்ளிட்ட பகுதிகளிலிருந்து மல்லிகை பூ விற்பனைக்கு கொண்டு வரப்படுகிறது.

கடந்த சில நாட்களாக கிலோ ஆயிரம் ரூபாய் வரை எட்டியிருந்த மல்லிகை பூவின் விலை நேற்று 300 ரூபாய் வரை சரிந்துள்ளது.

இதனால், சந்தைக்கு வரத்து அதிகரித்துள்ளது. கோடை துவங்கியுள்ளதையொட்டி வரத்து அதிகரிக்கும் வாய்ப்புள்ளதால், மேலும் விலை சரிவு ஏற்படும் என, வியாபாரிகள் தெரிவித்தனர்.