வேலுார் : சிறுமியை கர்ப்பமாக்கிய ராணுவ வீரர், 'போக்சோ' சட்டத்தில் சிக்கினார்.

வேலுார் மாவட்டம், கே.வி.குப்பத்தைச் சேர்ந்த ராணுவ வீரர் மோகன்தாஸ், 23. இவர், 17 வயது சிறுமியை காதலித்து வந்த நிலையில், அவருடன் நெருங்கி பழகியுள்ளார்.

தற்போது, இவர் அசாம் மாநிலத்தில் ராணுவ பயிற்சியில் உள்ளார். நேற்று முன்தினம் சிறுமியின் உடல்நிலை பாதிக்கப்பட்டதால், அவரது பெற்றோர் தனியார் மருத்துவமனைக்கு அழைத்துச் சென்றனர். அப்போது, சிறுமி கர்ப்பமாக இருப்பது தெரிந்தது.

சிறுமியின் பெற்றோர் புகாரின்படி, குடியாத்தம் மகளிர் போலீசார், மோகன்தாஸ் மீது போக்சோ சட்டத்தில் வழக்குப் பதிந்து விசாரிக்கின்றனர்.