தேவாரம், : உத்தம்பாளையம் மேற்கு ஒன்றிய தி.மு.க., சார்பில் முதல்வர் ஸ்டாலின் பிறந்த நாளை முன்னிட்டு இரட்டை மாட்டு வண்டி பந்தயம் தேவாரம் - போடி ரோட்டில் நடந்தது. எம்.எல்.ஏ., ராமகிருஷ்ணன் தலைமை வகித்தார். மேற்கு ஒன்றிய தி.மு.க.,செயலாளர் குமரன், மாவட்ட துணை செயலாளர் இளங்கோ உள்பட பலர் முன்னிலை வகித்தனர். போட்டியில் 100 க்கும் மேற்பட்ட இரட்டை மாட்டு வண்டிகள் கலந்து கொண்டன.

பெரிய மாடு பிரிவு போட்டியில் கே.கே. பட்டி அக்னி ஈஸ்வரனின் மாடு முதலிடம் பெற்று ரூ. 25 ஆயிரம் பரிசு, தேவாரம் சகாயம் மாடு இரண்டாம் இடம் பெற்று ரூ. 20 ஆயிரம் பரிசும், கம்பம் முருகன் மாடு மூன்றாம் இடம் பெற்று ரூ. 13 ஆயிரம் பரிசுகளை வென்றது.

கரிச்சான் பிரிவில் உத்தமபாளையம் மணி முருகன் மாடு முதலிடமும், கூடலூர் சதீஷ், மணிவாசகம் மாடு 2ம் இடமும், போடி லோகேஷ் மாடு மூன்றாம் இடம் பெற்றன. பூஞ்சிட்டு போட்டியில் உத்தமபாளையம் கருக்கோடை மாடு முதலிடமும், கே.கே.பட்டி சிவா மகேந்திரன் மாடு 2ம் இடமும், என்.டி.பட்டி நவீன் திருப்பதி மூன்றாம் இடம் பெற்றனர். தேன்சிட்டு போட்டியில் புதுக்கோட்டை வைஷ்ணவி மாடு முதலிடமும், கம்பம் மொக்கைராஜ் மாடு 2ம் இடமும், பூசாரிக்காரன் பட்டி கெவீஸ் மாடு மூன்றாம் இடம்.

தேன்சிட்டு 2 ம் பிரிவு போட்டியில் முத்தலாபுரம் சரவணன் மாடு முதலிடமும், ஊத்துப்பட்டி ஜெயபிரகாஷ் மாடு 2ம் இடம், கே.கே.பட்டி சதீஷ் சந்திரன் மாடு மூன்றாம் இடம். தட்டான்சிட்டு பிரிவு போட்டியில் அனுமந்தன்பட்டி இளங்கோ மாடு முதலிடமும், முத்துலாபுரம் சரவணன் மாடு இரண்டாம் இடமும், சிறப்பாறை மலையப்பன் மாடு மூன்றாம் இடமும் வெற்றி பெற்றது.

புள்ளிமான் மாடு போட்டியில் எரணம்பட்டி சந்திரபோஸ் மாடு முதலிடமும், பாலூத்து சின்னசாமி மாடு 2வது இடமும், தம்மிநாயக்கன்பட்டி முத்துப்பாண்டி மாடு மூன்றாம் இடம் பெற்றன. வெற்றி பெற்றவர்களுக்கு பரிசுகள் வழங்கப்பட்டன.